Publikohet projeksioni i parë i Parlamentit të ri Evropian bazuar në sondazhet parazgjedhore

Siç raportohet, rezultatet e zgjedhjeve në shtetet evropiane do të dalin shumë shpejt pasi qendrat e votimit në 21 vende anëtare kanë filluar të mbyllen, duke konfirmuar një avantazh të së djathtës.

Bëhet e ditur se zgjedhjet që u zhvilluan gjatë katër ditëve janë votimi më i madh transkombëtar në botë me rreth 360 milionë qytetarë të BE-së që u është kërkuar të japin votat e tyre për të zgjedhur 720 anëtarë të Parlamentit Evropian.

E siç raportohet, sondazhet parashikojnë fitore historike për partitë radikale të krahut të djathtë.

Gjithashtu do të kuptohet se kush e merr drejtimin e institucioneve evropiane në Bruksel, duke përfshirë Komisionin dhe Këshillin, me zgjedhjet e vendosura për të nxitur një garë për postet kryesore të BE-së.

Lexo po ashtu Qendrat e votimit në Evropë kanë filluar të mbyllen, në shumë vende konfirmohet avantazhi i së djathtës

Së fundmi, është publikuar një vlerësim se si mund të duket Parlamenti Evropian, bazuar në sondazhet parazgjedhore dhe vlerësimet e 11 vendeve anëtare, shkruan CNN.

Partia Popullore Evropiane: 181

Socialistët dhe Demokratët: 135

Partia për Përtëritjen e Evropës: 82

Konservatorët dhe Reformistët Evropianë: 71

Identiteti dhe Demokracia: 62

Të gjelbër: 53

Të majtë: 34. /Telegrafi/