Ish-gjenerali, Kadri Kastrati, situatën aktuale në veri e quan të brishtë, ndonëse sipërfaqësisht e njëjta duket e qetë.
Në një lidhje direkte në TV Dukagjini, Kastrati ka thënë se Serbia po i stërvit qytetarët serbë të veriut përtej kufirit në bazat stërvitore të ushtrisë dhe policisë serbe.
Sipas tij, pavarësisht lëvizjeve brenda territorit serb, apo edhe në drejtim të Kosovës, “ne nuk i frikësohemi asnjëherë forcave militare serbe”.
“Situata sipërfaqësisht është e qetë por unë mendoj që situata është e brishtë sepse Serbia nëpërmjet grupeve terroriste edhe pse kanë dështuar më 24 shtator të vitit të kaluar, ata po i stërvitin qytetarët serbë të veriut përtej kufirit në bazat stërvitore të ushtrisë dhe policisë serbe. Serbia po lëviz apo manovruar me ato brigadat e veta në territor të Kosovës. Çdo lëvizje e forcave serbe në një mënyrë apo tjetër deklarojnë që kinse ata po lëvizin, ata lëvizin në territorin e vet, ne nuk i frikësohemi asnjëherë forcave militare dhe policore serbe qoftë lëvizjes së tyre në territorin e vet, qoftë nëse ia mësyjnë Kosovës, ne jemi të gatshëm që të kryejmë detyrat tona… Serbia asnjëherë nuk e ka atë guxim që t’ia japë vetit atë komoditet që t’ia mësyjë Kosovës…”, tha ai.
Kastrati ka potencuar se rreziku më i madh për territorin e Kosovës janë grupet terroriste në krye me Radoiçiq dhe njerëzit e tjerë të përfshirë direkt në financimin, mbështetjen e këtyre terroristëve.
“Kam informacione të sakta që presidenti Putin ka thënë disa herë presidentit Vuçiq mos u ngutuni, nuk është momenti, të presim si është situata në Ukrainë dhe nëse atje Rusia nëse ia arrin një fitore atëherë Rusia do të ishte e interesuar që Ballkanin Perëndimor mos ta lë të hapur në njërën anë…”, tha ai.
Sa i përket deklaratës së kryeministrit Albin Kurti se plani i Serbisë ishte që ta nxiste FSK-në që të reagonte në veri, Kastrati thotë se qëllimi final i Serbisë është që ta nxisë një konflikt të armatosur.
“Nuk ka të bëjë me nxitjen e FSK-së që të duronte në rastin e 24 shtatorit kur ishte sulmi terrorist në veri. Qëllimi i tyre dihet tashmë qartë cili ka qenë dhe në vazhdimësi Serbia po punon që ta arrijë qëllimin e vet final që pjesën veriore ta nxisë një konflikt të armatosur dhe përmes këtij konflikti të arrijë qëllimin e vet që pjesën veriore të Kosovës t’ia aneksojë Serbisë. FSK e ka misionin e vet, detyrat dhe qëllimet që i mbron bazuar në ligjet që janë aprovuar… Misioni i FSK-së është që të mbrojë sovranitetin dhe integritetin territorial të Kosovës, të kryejë detyrimin dhe urdhrat e institucioneve të Kosovës… nuk ka nevojë askush ta nxisë ushtrinë e Kosovës që t’i kryejë detyrimet e veta bazuar në Kushtetutën dhe ligjet e veta”. Shtoi ai.
Kastrati ka folur edhe mbi misionin që FSK- ka dhe katër detyrat kryesore të saj.
“FSK bazuar në misionin që e ka, i ka katër detyrat kryesore: mbrojtja e sovranitetin dhe integritetit territorial, zbatimi i të gjitha detyrimeve që dalin nga institucionet qendrore të Kosovës, pjesëmarrje në operacione paqeruajtëse dhe operacione humanitare në kuadër të NATO-s… dhe e katërta është mbrojtja e jetëve dhe pronave të qytetarëve të Kosovës. Kjo nënkupton që tri nga këto detyrat kanë të bëjnë me mbrojtjen, ruajtjen e pronave, jetëve të qytetarëve, kufijve të Kosovës dhe këtu nuk ka absolutisht asgjë që nuk është në përputhje me ligjet dhe Kushtetutën e Kosovës”.
Lufta Prigozhin - Putin
Më shumëNga Rubrika
Anulimi i festivalit “Mirëdita, dobar dan”, Kandiq: Serbia u rreshtua në errësirën etnonacionalizmit më të madh
Ministri i ri i Drejtësisë viziton burgun e Idrizovës: Janë shkaktuar dëme të mëdha nga përleshja fizike
Kushtetuesja rrëzon disa nene të Ligjit për Këshillin e Pavarur Mbikëqyrës për Shërbimin Civil
Parlamenti i Spanjës nuk mbështet iniciativën së partisë katalunase “Junts” për njohjen e shtetit të Kosovës, 293 deputetë votuan kundër
Plazhet e Vlorës thuajse bosh e larg pritshmërive, fundjava mbetet e vetmja shpresë
Dyshohet për krime lufte kundër popullatës civile gjatë luftës në rajonin e Gjakovës, arrestohet një person
Dyshime për spiunazh, Musliu: Vlajiq si pjesë e BIA-s, pati lidhje edhe me organizata ndërkombëtare në veri
Deputetët e Listës serbe largohen nga seanca, Selmanaj: Kjo sallë do të mbahet mend për vazhdimin e mandateve të tyre
IHMK paralajmëron reshje shiu me intensitet të lartë e shkarkime rrufesh
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Faza e eliminimit direkt në Euro 2024: Kompletohen çiftet, mësohet orari
Pse nuk u takua me Vuçiqin dhe a kanë vdekur marrëveshjet e Brukselit dhe Ohrit? - krejt çka tha Kurti pas takimit në Bruksel
Grusht shteti në Bolivi? Ushtarët sulmojnë pallatin presidencial, presidenti kërkon që të respektohet demokracia
Mburrej me të pasmet e saj 27-milionëdollarëshe: Besohet se trupi i saj nuk ka asnjë të metë, megjithatë realiteti është ndryshe
Hungaria priti tri ditë për tu eliminuar nga Euro 2024, Kroacia e treta më e dobët
Tifozët belgë filluan ta shanin, De Bruyne u hakmerret menjëherë