E mbrojti Kusarin për përgjimet, deputetja e LDK-së i reagon ministres Haxhiu

Ministrja e Drejtësisë, Albulena Haxhiu i është kundërpërgjigjur kërkesave të opozitës për dorëheqje dhe hetim të shefes së GP të LVV-së, Mimoza Kusari-Lila pas publikimit të një audio-incizimi ku ajo flet me kriminelin Milan Radoiçiqin.

Haxhiu ka thënë se opozita po kërkon ta zhvendos vëmendjen nga “dështimi” për zgjedhje si dhe nuk po e kërkon dorëzimin e Radoiçiqit nga Serbia.

Ndaj ministres ka reaguar deputetja e LDK-së, Doarsa Kica.

Ajo përmes disa pyetjeve iu është drejtuar Haxhiut.

“Unë i kam disa pyetje:

Ministre, si i erdhi puna Radojçiçit që të arratiset në Serbi “nën sovranitetin” absolut tuajin?

Lexo po ashtu Kërkesat e opozitës për hetim ndaj Kusarit pas audio-incizimit, Haxhiu: Përpjekje për ta larguar vëmendjen nga dështimi për mbajtjen e zgjedhjeve

Pse i krijuat korridor që ai të ikë pas sulmit terrorist në Banjskë? E pastaj na flet se si ju qenkeni patriot sepse kërkoni që Serbia të dorëzoj dikë që ju vet e lejuat të ikë?

Çka është qëndrimi yt për komunikimin e shefes së grupit TËND parlamentar me po këtë kriminel që Serbia nuk po e dorëzon?

Zgjedhjet. Cilat zgjedhje Ministre? Ato ku nuk ju funksionoi pazari me PDK? Ato ku zhvendosët vëmendjen nga dështimi ENORM në Këshill të Evropës për fajin tuaj?

Ato ku zhvendosni vëmendjen nga letra skandaloze e Ministres së Punëve të Jashtme ku i luste akterët e KE, aman” na fusni në agjendë se ja po e bëjmë draft statutin e Asociacionit menjëherë?

Nëse s’ke asgjë të vërtetë për të thënë, bëja më mirë si shefja e grupit të VV, e mos fol fare”, shkroi Kica./Telegrafi/