Polonia nuk duhet të përjashtojë mundësinë e dërgimit të trupave në Ukrainë – thotë ministri i Jashtëm, Radoslaw Sikorski

Polonia nuk duhet të përjashtojë mundësinë e dërgimit të trupave në Ukrainë.

Kështu ka thënë ministri i Jashtëm, Radoslaw Sikorski në komentet e publikuara të martën, ndërsa Kievi përpiqet të zmbrapsë përparimet ruse.

Megjithatë, siç vënë në pah mediat e huaja, përcjell Telegrafi, Sikorski nuk specifikoi se çfarë roli do të luanin trupat polake.

Deklarata e tij vjen ndërsa aleatët e NATO-s të Ukrainës janë zotuar të furnizojnë kombin e shkatërruar nga lufta me para dhe armë për aq kohë sa duhet për të zmbrapsur një pushtim rus, ata në përgjithësi kanë përjashtuar mundësinë e dërgimit të ushtarëve në vend.

I pyetur në një intervistë nëse Polonia ishte gati të dërgonte trupa në Ukrainë, Sikorski tha: “Ne nuk duhet ta përjashtojmë këtë. Duhet ta lëmë Putinin të hamendësojë për qëllimet tona”.

Intervista u botua në Gazeta Wyborcza të Polonisë, La Repubblica të Italisë dhe El Pais e Spanjës.

Ndryshe, presidenti francez Emmanuel Macron “i hapi derën” dërgimit të trupave në Ukrainë dhe në një konferencë në Paris më 26 shkurt, duke theksuar se një fushë ku trupat perëndimore mund të ndihmojnë do të ishte trajnimi i ukrainasve në Ukrainë.

Vetë Sikorski ka thënë më parë se prania e trupave të NATO-s në Ukrainë “nuk është e paimagjinueshme”.

Të hënën, komandanti i lartë i Ukrainës tha se kishte nënshkruar dokumentet që lejonin instruktorët ushtarakë francezë të vizitojnë qendrat e trajnimit ukrainas së shpejti.

Rusia ka fituar terren në Ukrainë që nga dështimi i kundërofensivës së Kievit të vitit 2023 për të bërë ndonjë sulm serioz kundër trupave ruse, me forcat e Kievit të penguara nga vonesat në furnizimet me armë dhe municione. /Telegrafi/