Pesë numrat që do të lirohen te Real Madridi menjëherë pas finales së Ligës së Kampionëve

Toni Kroos është largimi i parë që konfirmohet te Real Madrid edhe para se të luhet finalja e Ligës së Kampionëve.

Por Kroos nuk do të jetë largimi i fundit nga Los Blancos, pasi pritet një eksod i lojtarëve që në fund do të hapte vende të lira në numrat e fanellave në klub.

Këtu janë numrat e fanellave që mund të lirohen te Real Madrid në ditët në vijim.

Numri 6

Kapiteni i Real Madridit Nacho pritet të largohet në fund të sezonit. Megjithatë, ka pasur raporte të kundërta që pretendojnë se Nacho mund të bënte një kthesë dhe të qëndronte.

Nacho ka qenë një futbollist besnik i Real Madridit dhe një qendërmbrojtës cilësor për këtë. Nëse ai përfundon largimin nga Madridi, do të prisnit që klubi të nënshkruajë një mbrojtës të ri dhe numri 6 i tij të shkojë te dikush tjetër.

Numri 8

Kroos largohet pas finales së Wembley, duke lënë pas një numër legjendar të fanellës. Real Madridi do t’ia japë atë fanellë me numrin 8 vetëm një superylli tjetër që e meriton.

Vinicius tashmë e ka zbuluar se fanellën me numrin 8 do ta marrë Federico Valverde.

Numri 14

Joselu ka impresionuar përtej besimit në periudhën e tij të huazimit në Real Madrid, 17 gola dhe tre asistime janë shifra fantastike për një lojtar rezervistë.

Megjithatë, me Mbappe dhe Endrick që vijnë këtë verë, Joselu mund të lejohet të largohet me kokën lart dhe fanella me numrin 14 të jetë e lirë.

Numri 19

Mesfushori spanjoll Dani Ceballos është një lojtar i Real Madridit që nuk ka bërë përshtypje edhe kur të tjerët rreth tij vazhdojnë të shkëlqejnë. Koha e Dani Ceballos në Madrid më në fund mund po merr fund.

Shumë klube të La Ligës do të ishin të gatshëm të merrnin Ceballos kur ai përfundimisht të largohej nga klubi.

Numri 25

Ashtu si Kroos, largimi i Kepës është konfirmuar vetëm pas finales së Ligës së Kampionëve. Portieri erdhi nga Chelsea për të zëvendësuar një Thibaut Courtois të lënduar, por e gjeti veten duke rënë pas Lunin në rendin e portierëve.

Kepa tha se do të dëshironte të qëndronte në Real Madrid, por paraqitjet e tij nuk përputheshin me fjalët e tij, prandaj Reali do ta lërë të largohet.

Përveç këtyre pesë numrave, edhe fanella me numrin 9 te Real Madridi është e lirë. /Telegrafi/