Kishin vendosur radarë për të penguar funksionimin normal të dronëve ukrainas, pajisja ruse shkatërrohet pikërisht nga një fluturake pa pilot

Operatorët ukrainas të dronëve kanë arritur të lokalizojnë një radar anti-dron të rusëve, që përdor një softuer që pengon valët e dronit dhe ka për qëllim t’ua pamundësojë ngritjen në ajër.

E ky stacion radari i ushtrisë ruse në Repejnik u lokalizua nga ukrainasit, që e shkatërruan pikërisht me një dron, transmeton Telegrafi.

Operacioni i realizuar nga grupi Geese 9 së bashku me pjesëtarët e inteligjencës ukrainase.

Lexo po ashtu Një javë më parë rusët kryen një sulm me tanket e modifikuara në Donetsk, kësaj radhe ukrainasit përgatitën një pritë për ta

Në anën tjetër,  rusët në masë të madhe kanë stacionuar radarë të tillë duke marrë parasysh se ukrainasit vazhdimisht po i sulmojnë me dronë.

Megjithatë as këta radarë nuk u ndihmuan – përkundrazi u shkatërruar pikërisht nga një dron.

Një sistemi i tillë radari sipas mediave ukrainase kushton 100 mijë dollarë, dhe që e përdorin ushtarët e Putinit për detektimin e fluturakeve të vogla në një distancë prej 15 kilometra në një lartësi prej pesë kilometrash.

Me lëshimin e një vale parandalon funksionimin normal të dronëve, dhe kështu tentojnë të fitojnë kohë për kundërsulm. /Telegrafi/