Osmani: Është detyrë e jona njerëzore të dënojmë gjenocidin që të mos ndodhë më kurrë
Ministri i Punëve të Jashtme, Bujar Osmani sot mori pjesë në një diskutim të hapur për bashkësponsorizimin e rezolutës së OKB-së për gjenocidin në Srebrenicë nga Maqedonia e Veriut, ku theksoi se dënimi dhe kujtimi i gjenocidit të njohur ndërkombëtarisht në Srebrenicë është detyrë njerëzore, njoftojnë nga MPJ.
Njëherit, Osmani theksoi se Republika e Maqedonisë së Veriut ka vendosur jo vetëm ta mbështesë, por edhe ta bashkësponsorizojë rezolutën e Kombeve të Bashkuara për të kujtuar viktimat e gjenocidit në Srebrenicë.
“Dënimi i gjenocidit është një detyrë universale njerëzore dhe nuk ka lidhje me asnjë përkatësi. Në vitin 2010, Kuvendi ynë mori vendim lidhur me Srebrenicën, duke pranuar Rezolutën e Parlamentit Europian. Pra, ne si shtet nuk kemi pasur asnjëherë dilemë për atë që ndodhi në Srebrenicë, kur në një ditë u vranë 8372 civilë dhe nuk mund të quhet ndryshe. Kritikat më të mëdha gjatë ditës së djeshme ishin: përpjekja e Ministrit të Jashtëm për t’u prishur me Serbinë mike. Përkundrazi, kjo nuk ka lidhje me Serbinë, nuk ka lidhje me popullin serb, sepse dënimi i gjenocidit tejkalon çdo lidhje diplomatike dhe marrëdhënie ndërmjet dy vendeve dhe qytetarëve të dy vendeve. Është detyra jonë njerëzore të dënojmë, të promovojmë faktet që kjo të mos ndodhë kurrë”, tha Osmani.
Në diskutimin e sotëm të hapur me temën: “Maqedonia e Veriut është bashkësponsoruese e rezolutës së OKB-së për kujtimin e viktimave të gjenocidit në Srebrenicë”, Osmani, thuhet në njoftimin e MPJ-së, hodhi poshtë akuzat se qëllimi i këtij akti të Ministrisë është përkeqësimi i marrëdhënieve bilaterale të shtetit me Serbinë fqinje, duke pretenduar se bëhet fjalë për qëndrimin e shtetit ndaj krimit kundër njerëzimit që institucionet kompetente ndërkombëtare e kanë cilësuar si gjenocid dhe se si i tillë nuk duhet mohuar.
“Luftërat në Ballkan kanë përfunduar dhe vendet e rajonit kanë nevojë për pajtim”, theksoi Osmani, duke i apeluar Serbisë dhe Bosnje Hercegovinës që të ndjekin shembullin e Gjermanisë dhe Francës pas Luftës së Dytë Botërore.
Në diskutim përmes video-fjalimit mori pjesë edhe Ministri i Punëve të Jashtme të Bosnjë dhe Hercegovinës, Elmedin Konakoviq, i cili e falënderoi Maqedoninë e Veriut për bashkësponsorizimin e rezolutës, i bindur se shpallja e 11 korrikut si ditë përkujtimore do të kontribuojë ndjeshëm në paqen dhe sigurinë e rajonit dhe do të forcojë besimin në institucionet e Kombeve të Bashkuara, për të cilat, sipas tij, ka nevojë bota.
“Më lejoni t’ju kujtoj gjenocidin e kryer në korrik 1995 në zonën e sigurt të mbrojtur të Kombeve të Bashkuara, Srebrenicë. Më shumë se 8000 djem dhe burra u vranë brutalisht, 1000 u zhvendosën me forcë, familje të tëra u shkatërruan bashkë me shtëpitë e tyre. Autorë të shumtë u sollën para drejtësisë dhe krimi më i tmerrshëm, vrasja sistematike e popullsisë boshnjake në zonën e mbrojtur të Srebrenicës, u njoh ligjërisht si gjenocid nga Gjykata Ndërkombëtare e Drejtësisë dhe Gjykata Penale Ndërkombëtare për ish-Jugosllavinë. Dhe kurrë nuk duhet t’i nënshtrohet interpretimeve të ndryshme. Kjo u pranua nga njerëzit përgjegjës që zbatojnë politika të përgjegjshme në Maqedoninë e Veriut”, tha Konakoviq.
Në diskutim, me qëndrimet e tyre morën pjesë edhe Kryetari i Këshillit Nacional Boshnjak, Xhevad Hot, aktivistja civile, Mersiha Smajloviq dhe avokatja, Edina Zekiroviq Fazllagiq, të cilët përveç falënderimit ndaj Ministrin Osmani për vendimin për bashkësponsorizimin e rezolutës, gjithashtu shprehën pikëpamjet e tyre se pse ky është një vendim i drejtë dhe folën poashtu për rëndësinë e caktimit të një dite për ta përkujtuar masakrën e Srebrenicës./Telegrafi/
Promo
Reklamo këtuLufta Prigozhin - Putin
Më shumëKiE thotë se po shqyrton se si të procedojë për rastin e Kosovës
Kosova nuk hyri në agjendë të Komitetit të Ministrave, arsyetohet ministrja Gërvalla: Letrës me ofertën për draft-statutin e Asociacionit i ka humbur relevanca
Moment i veçantë nga samiti rajonal në Mal të Zi, Rama i mat kohën Vuçiqit gjatë fjalimit: Gjithmonë flet më shumë se të tjerët
Osmani: Kosova do të jetë anëtarja e 47-të e Këshillit të Evropës, është vetëm çështje kohe
Kosova mbetet jashtë Këshillit të Evropës, nuk hyn në agjendën e Komitetit të Ministrave
Anëtarësimi i Kosovës në KiE, Vuçiq thotë se lobi i Knausit dhe britanikët po përpiqen të bëjnë "një truk” tjetër
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vetëm dy vende do të mbijetonin pas apokalipsit bërthamor - çka do t'i shpëtonte këto shtete
"Pulë me të huaj dhe skifter me të vetët”, Alizoti: Rama duhet ta kishte përqafuar Kurtin
BE reagon për draft statutin e paralajmëruar nga Kosova për Asociacionin
Politikani serb: Kam bërë padi në GjND për krimet serbe ndaj shqiptarëve të Kosovës
Zbardhet aktiviteti i atentatorit të kryeministrit sllovak - ishte pjesë e një grupi pro-rus
Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë