Javier Tebas: Florentino Perez nuk është i mirë për futbollin spanjoll

Presidenti i La Ligas, Javier Tebas ka vazhduar luftën e fjalëve me presidentin e klubit të Real Madridit, Florentino Perez.

Dyshja janë përplasur shpesh në vitet e fundit për çështje që kanë dominuar futbollin spanjoll nga roli i RFEF-së deri te Superliga Evropiane e propozuar.

Megjithatë, fjalët e fundit të Tebas për Perez fokusohen në marrëdhëniet e tij me politikën spanjolle dhe lidhjet e tij të gjata me pushtetin shtetëror në vend.

Lexo po ashtu “Qëllimi i tij është që klubet e mëdha të drejtojnë futbollin”, presidenti i La Ligës bën një goditje të re ndaj Florentino Perezit

Tebas vuri në dukje një fotografi të bërë në barazimin 3-3 të Real Madridit në Ligën e Kampionëve me Manchester City javën e kaluar, në të cilën disa politikanë të shquar spanjollë ishin ulur në një zonë private.

Imazhet që bashkojnë figura nga sfera të ndryshme ndikimi janë një shqetësim për Tebas, i cili beson se ndikimi i Perez në shumë fusha është i tepruar.

“Fotografia në tribuna i thotë të gjitha. Nuk e pashë atë foto në Metropolitano të nesërmen [në Atletico Madrid kundër Borussia Dortmund]. Ai është një person me shumë ndikim në arritjen e qëllimeve të tij”.

“Florentino është transversal. Me [Silvio] Berlusconin e dinim se ai ishte i djathtë. Florentino është me të gjithë: Carmena, Zapatero, Sanchez. Ai ka shumë ndikim. Kjo nuk është mirë për vendin apo për futbollin”, ka thënë Tebas.

Vërejtjet e Tebas nuk ka gjasa të kenë ndonjë ndikim në sjelljen e Perez në Real Madrid, dhe veçanërisht në lidhje me ftesën e politikanëve në ndeshje, nëse Los Blancos do të përparojnë pas Cityt dhe në gjysmëfinale të Ligës së Kampionëve këtë sezon. /Telegrafi/