Ukrainasit godasin me dronë kamikaz qendrën stërvitore dhe fabrikën e aeroplanëve në qytetin rus

Dronët ukrainas kanë sulmuar qendrën stërvitore të aviacionit në qytetin Borisoglebsk në rajonin e Voronezhit në Rusi.

Përgjegjësinë për sulmin e ka marrë edhe zyrtarisht inteligjenca ushtarake ukrainase, e cila nuk ka dhënë detaje të hollësishme për sulmin e mbrëmshëm, transmeton Telegrafi.

Kanali rus Astra në Telegram, pretendon se qendra e aviacionit për trajnimin e personelit ishte sulmuar nga dy dronë kamikaz.

Russian outlet ASTRA, referring to its own sources, reports about an attack of two UAVs on the Borisoglebsk Aviation Training Center for training flight personnel of front-line bomber and attack aviation in the Voronezh region. The facade was reportedly damaged. pic.twitter.com/5SiOUYmDzJ

— NOELREPORTS 🇪🇺 🇺🇦 (@NOELreports) April 9, 2024

Dronët dyshohet se kanë shpërthyer duke dëmtuar fasadën e ndërtesës dhe dritaret, kështu të paktën pretendohet nga Astra në Telegram.

Një përfaqësues i inteligjencës ushtarake ukrainase ka konfirmuar për Kyiv Indepdendent se operacioni është kryer nga HUR pa dhënë detaje më të hollësishme.

Additional footage pic.twitter.com/ej47FOILyJ

— NOELREPORTS 🇪🇺 🇺🇦 (@NOELreports) April 9, 2024

Andrii Yusov, zëdhënës i inteligjencës ushtarak ukrainase ka thënë se fabrika e aeroplanëve ishte cak në qytetin rus Borisoglebsk.

“Nuk do të zbulojmë detaje, por sipas informacioneve preliminare – qendra kryesore për prodhim është prekur nga ky sulm”, tha Yusov. /Telegrafi/