Pasi ishin vrarë nga rusët, trupat e ukrainasve të paarmatosur u vendosën pranë një muri – u qëlluan sërish nga ushtarët e Putinit

Tre ushtarë të paarmatosur ukrainas që ishin zënë rob lufte, pretendohet të jenë ekzekutuar në mënyrë më mizore të mundshme nga trupat e Vladimir Putinit.

Pamjet janë shumë të rënda, ku në to shihen ushtarët rusë në Krynky duke qëlluar ushtarët e paarmatosur ukrainas, që goditeshin nga breshëria e plumbave të pushkës automatike.

Në video në fakt shihen ushtarët e vdekur ukrainas që qëndrojnë të shtrirë në një mur – të mbuluar në gjak nga plagët e marra nga të shtënat mbi trupat e tyre.

Rasti shumë shqetësues është raportuar në Kombet e Bashkuara nga komisioneri i Kievit për të drejtat e njeriut Dmytro Lyubinets.

Lexo po ashtu Gjenerali ukrainas: Fati i vendit tonë në rrezik, askush nuk mund të qëndrojë larg

“Duhet të bëhen një bazë provash për gjykatën kundër kriminelëve… Vrasja e të burgosurve të luftës është një shkelje flagrante e Konventës së Gjenevës për Trajtimin e të Burgosurve të Luftës dhe një krim i rëndë ndërkombëtar”, tha Lyubinets.

Sipas Lyubinetsit, raste të tilla për fat të keq nuk janë raste të izoluara dhe janë një praktikë sistematike e forcave pushtuese ruse.

“Komuniteti ndërkombëtar duhet t’i dërgojë sinjal të qartë Rusisë se gjurmët e krimeve të luftës nuk mund të fshihen”, tha për fund Lyubinets.

Për ta shikuar videon klikoni këtu. /Telegrafi/