Dy fëmijë pësuan lëndime trupore të dielën në Pejë, pasi që u goditën nga një veturë.
Njëri prej fëmijëve të aksidentuar i moshës tetë vjeç, aktualisht po trajtohet në Mjekimin Intensiv Qendror në Qendrën Klinike Universitare të Kosovës, për shkak të lëndimeve më të rënda.
Drejtori i Klinikës Intensive, Shaqir Uka në një prononcim për Telegrafin ka treguar se pacienti i lindur në vitin 2016, aktualisht është në gjendje stabile por me lëndime serioze.
“Gjendja e pacientit aktualisht është stabile por me lëndime serioze. Tani jemi në fazën e ekzaminimeve dhe në fazën ku jemi duke u mundur ta stabilizojmë gjendjen e përgjithshme të tij”, ka thënë Uka.
Ai ka treguar se pacienti në fjalë ka lëndime në kokë, mushkëri dhe ne ekstremitetet e tjera.
“ Lëndimet janë të rënda, ka gjakderdhje në regjionin e kokës, ndrydhje në mushkëri dhe lëndime në ekstremitetet e tjera”, ka deklaruar Uka.
Pacienti në fjalë mbrëmë është pranuar fillimisht për tretman mjekësor në Qendrën Emergjente në QKUK, ku më pas është transferuar në Mjekimin Intensiv.
Drejtori i Emergjencës më QKUK, Naser Syla i ka thënë Telegrafit se gjendja shëndetësore e fëmiut vazhdon të jetë e rëndë por stabile.
“Po i njëjti është trajtuar mbrëmë te ne në Qendrën Emergjente dhe pastaj është transferuar në Mjekimin Intensiv Qendror për trajtim të mëtutjeshëm. Gjendja e pacientit është e rëndë por stabile momentalisht”, ka thënë Syla.
Ndryshe lidhur me këtë rast është arrestuar shoferi i veturës i cili me vendim të prokurorit është ndaluar për 48 orë për shkak të veprës penale “Rrezikimi i trafikut publik”. /Telegrafi/
Promo
Reklamo këtuLufta Prigozhin - Putin
Më shumëNga Rubrika
KSHZ: Rivotimi nga personat e sëmurë dhe të burgosurit u zhvillua pa probleme
Fushë Kosovë, arrestohen dy të dyshuar për trafikim me narkotikë dhe posedim armësh – njëri gëlltiti qesen me kokainë gjatë arrestimit
Tetova sivjet me 123 filloristë më pak, në klasë të parë pritet të regjistrohen 838 nxënës
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251