Mbajtja së shpejti e një takimi mes kryeministrit të Kosovës, Albin Kurti dhe presidentit të Serbisë, Aleksandar Vuçiq po vlerësohet i pashmangshëm. Kjo pasi për të dytën herë brenda pak ditësh, kryenegociatorët e dy shteteve nuk arritën të gjejnë zgjidhje për dinarin, ndonëse e kanë edhe një mundësi javën e ardhshme. Mirëpo, BE-ja nuk ka treguar nëse zgjidhja e çështjes së dinarit është parakusht për takimin mes liderëve.
Kryenegociatorët e Kosovës dhe Serbisë kanë para vetes mundësinë e tretë për ta zgjidhur çështjen e dinarit serb.
Dy herët e kaluara ata dështuan të arrijnë kompromis në Bruksel për mënyrën e transferimit të pagesave nga Serbia për serbët e Kosovës.
Por, marrë parasysh qëndrimet diametralisht të kundërta të palëve, gjasat nuk konsiderohen të mëdha për një pajtim mes tyre.
Andaj, takimi mes liderëve vlerësohet se është i pashmangshëm, nëse jo për çështjen e dinarit, për zbatimin e marrëveshjes bazike po.
“Rolin kyç e ka BE-ja, se si do t’i japë kahje BE-ja, se si do ta përcaktojë agjendën BE-ja dhe si do të ofrojë në njëfarë mënyre kushtëzimin, sepse një gjë tjetër që nuk ka ndodhur është fakti që BE-ja ende nuk e ka lidhur kushtëzimin e implementimit të kësaj marrëveshjeje me kapitullin 35 për Serbinë”, ka thënë drejtoresha e GLPS-së, Arbesha Loxha, për RTV Dukagjini.
Albin Kurti dhe Aleksandar Vuçiq nuk e kanë takuar njëri-tjetrin që nga 14 shtatori i vitit të kaluar, dhjetë ditë para se të ndodhte sulmi terrorist në Banjskë.
Por, caktimi i një takimi eventual mes tyre vetëm për çështjen e dinarit, sipas njohësit të marrëdhënieve ndërkombëtare, Akri Çipa, do të ishte qesharake.
“Mendoj se gjithsesi nëse do të mund të ekzistonte, do të ishte pjesë e konturimit të një marrëveshjeje më të gjerë, por edhe tematika të tjera të cilat mund të jenë diskutuar dhe që kanë qenë më pak të zëshme gjatë periudhës së fundit. Por që të kërkohet dhe të realizohet një takim në nivel liderësh për këtë çështje mendoj se do të ishte një dështim shumë i madh për dialogun në vet vete dhe pastaj për gjithë këtë mandat që ka dominuar diskutimet ndërmjet palëve”, ka thënë Çipa.
Ndërkombëtarët, thotë Çipa, do të bëjnë përpjekje për të gjetur një rrugë të mesme për dinarin.
Për këtë çështje, të hënën kryenegociatorët mbajtën takimin e dytë, por u tha se palët ishin ende larg me propozimet e tyre.
Një përpjekje e radhës për dakordim do të bëhet më 4 prill, kur kryenegociatorët do të shkojnë sërish në Bruksel. /Dukagjini/
Promo
Reklamo këtuLufta Prigozhin - Putin
Më shumëBombardimi i konsullatës në Ukrainë, Qeveria shqiptare interesohet për provat
E refuzuan Abdixhiku e Haradinaj, deklarohet Kurti: Mendova se është më së miri të takohemi të gjithë së bashku
Gara për Parlamentin Evropian, Emma Bonino mbështet fuqishëm kandidatin shqiptar, Muharrem Salihu
Ramadani “dekonspiron” regjisorin serb: Po mundohet ta përgatisë opinionin perëndimor për planet serbe ndaj Kosovës
Ushtria shqiptare po ringrihet, 1.8 mld euro për transformim
Tragjedia në Shkodër, prokuroria zbulon mesazhet ofenduese dhe tradhtinë në celularin e bashkëshortit të Alma Arrazit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Kurti fton në takim liderët e tri partive opozitare, tregon për çka do të bisedojnë
Gjermania po e jep falas këtë vilë gjigante, por ka një problem: Sapo përmendet ish-pronari, askush nuk e dëshiron
Bayern Munich e ka gjetur trajnerin e ri, Flick rikthehet dhe për ndihmës do ta ketë legjendën gjermane
“Podcasti me Afronën është keqkuptuar, ndjenjat e mia i përkasin ‘bebes’” – Befason Blero me reagimin
Largimi i Kylian Mbappe liron 225 milionë euro për PSG-në, një 'pjesë e konsiderueshme' do të investohet te ylli i Serie A
Como është ngjitur në Serie A pas 21 vitesh, Fabregas dhe Henyr kanë arsye për festë