Shtëpia e Bardhë monitoron nga afër rastin e shembjes së urës – policia mohon ndonjë akt “terrorizmi” – vazhdon operacioni i kërkim-shpëtimit

Sekretari i Transportit në Maryland, Paul Wiedelfelt, ka dhënë informacione të detajuara lidhur me përplasjen e anijes në urën në Baltimore që u shemb.

Wiedefelt tha se një grup kontraktorësh ishin duke punuar në urë, në momentin kur ka ndodhur përplasja, transmeton Telegrafi.

Madje ai theksoi se ata po bënin disa riparime në afërsi edhe të portit – duke i mbushur disa gropa me beton.

Në anën tjetër është bërë e ditur se porti i Baltimore është mbyllur përkohësisht derisa të përfundojë operacioni i kërkim-shpëtimit.

Lexo po ashtu Çfarë dihet për urën Francis Scott Key në Baltimore, e cila u shemb pjesërisht pas përplasjes së një anije mallrash

E zëdhënësi i Rojave Bregdetare të SHBA, u ka thënë gazetarëve se misioni i tyre primar mbetet “kërkimi i të mbijetuarve të mundshëm në ujërat e akullta.

Wiedefelt pranoi se nuk ka të konfirmuar ndonjë rast me fatalitet, dhe theksoi se është akoma herët të dihet shkaku i saktë që çoi te përplasja.

Nga Shtëpia e Bardhë kanë njoftuar se janë duke monitoruar nga afër situatën pas shembjes së urës në Baltimore.

Lexo po ashtu Shembja e pjesshme e urës në Baltimore, raportohet për 20 punonjës në ujë – nuk ka të lënduar në anijen që u përplas në urë

“Jemi me familjet e atyre që vazhdojnë të konsiderohet të zhdukur si rezultat i incidentit të tmerrshëm”, u tha nga Shtëpia e Bardhë.

E zyrtarë të lartë të policisë kanë deklaruar para gazetarëve se nuk ka indikacione të “terrorizmit” apo ndonjë akti të qëllimshëm. /Telegrafi/