Ngannou vazhdon të nxjerrë detajet shokuese nga lufta me Joshuan

Francis Ngannou ka nxjerrë detaje të reja në lidhje me luftën ku u nokautua brutalisht nga Anthony Joshua.

AJ e mposhti ish-kampionin e UFC-së në dy raunde pas tre nokdauneve dhe një të djathtë të pamëshirshme të fundit.

Kamerunasi 37 vjeçar kishte nevojë për oksigjen pas goditjes së fundit  dhe tani ka zbuluar se nuk e mbanë mend nokautin.

Lexo po ashtu Francis Ngannou thotë se është mashtruar përpara luftës me Anthony Joshuan

Ai tha në The MMA Hour: “Kur filloi lufta, unë nuk isha me mendje atje. Edhe në minutën e parë, më kujtohet kur më goditi, grushti i parë, më habiti fakti që po rrëzohem nga ai grusht sesa vetë goditja”.

“E di, ndonjëherë edhe në sparring, ti merr një grusht dhe thua: ‘Dreq, ky djalë goditi fort’, por je në rregull”.

“Unë marr një grusht, grushtin e parë, isha zgjuar, por nuk e ndjeva vërtet. E gjej veten poshtë, jam si: ‘O njeri, çfarë po ndodh?’”.

Lexo po ashtu Francis Ngannou zbulon momentin kur iu bë e ditur se do të humbiste nga Anthony Joshua

“Gjyqtari më numëron përpara, kështu që, në rregull, le të marrim kohën për t’u rikthyer. Merr kohën, ngrihu përsëri dhe gjërat ishin ende pak të paqarta”.

“Shkova në qoshe dhe filluam të flisnim, dhe ata po më flisnin, unë po dëgjoja. Kujtesa ime, vizioni im dhe gjithçka vazhduan. Unë nuk u ktheva kurrë nga stoli”.

“Nuk më kujtohet se kur u ula në stol për t’u kthyer në raundin e dytë. Nga këtu nga stoli në mes të raundit, unë nuk isha më atje”, ka shtuar më tej kamerunasi. /Telegrafi/