Courtois humbet sezonin pas operimit në gju

Portieri i Real Madridit, Thibaut Courtois i ka dhënë lamtumirën sezonit, pasi operacioni në gjurin e tij të djathtë kaloi me sukses. Portieri belg, i cili po rikuperohej nga një dëmtim i ligamentit kryqëzor në gjurin e majtë që nga fillimi i sezonit, do të mungojë në të gjithë sezonin.

Sipas faqes zyrtare të Real Madridit, operacioni për heqjen e meniskut të tij shkoi me sukses, por do të nënkuptojë një kohë rikuperimi prej rreth dy muajsh.

Kjo i jep fund të gjitha shpresave për t’u rikthyer në kohë për fundin e sezonit, dhe sipas të gjitha gjasave, edhe në Euro 2024.

Nuevo parte médico de Courtois.#RealMadrid

— Real Madrid C.F. (@realmadrid) March 20, 2024

Courtois ka dëmtuar më parë meniskun e gjurit të djathtë gjatë kohës së tij në Chelsea, duke humbur tre muaj pas operacionit në vitin 2015.

Gjatë asaj periudhe ai humbi 20 ndeshje, por Courtois duhet të kthehet për fillimin e sezonit të ardhshëm.

31-vjeçari u dërgoi një mesazh fansave të tij në rrjetet sociale, duke i siguruar se ishte një ‘pengesë e vogël’ dhe se do të ‘rikthehej më i fortë’.

Lexo po ashtu Courtois thyen heshtjen për lëndimin që pësoi në stërvitje

Rezultati i kësaj është se Carlo Ancelotti do ta përfundojë sezonin me Andriy Lunin në portë, pasi ka fituar vendin numër 1 përpara Kepa Arrizabalaga.

Los Blancos nuk janë të vendosur t’i ofrojnë Lunin një marrëveshje të re në dritën e problemeve të lëndimeve të pësuar nga Courtois, megjithëse nuk është ende e qartë nëse ai dëshiron të qëndrojë. /Telegrafi/