80 vjet pas ditës D – Veterani i Luftës së Dytë Botërore po martohet pranë plazheve ku zbarkuan trupat amerikane
Harold Terens dhe e fejuara e tij Jeanne Swerlin po planifikojnë dasmën e tyre të ardhshme në Francë, në një vend që veterani i Luftës së Dytë Botërore e vizitoi për herë të parë si 20 vjeçar kur edhe ishte pjesë e Forcave Ajrore të Ushtrisë Amerikane.
Terens, një 100 vjeçar mjaft energjik, do të nderohet nga francezët si pjesë e kremtimit të 80 vjetorit të çlirimit të vendit nga nazistët.
Më pas, ai po planifikon të martohet me 96 vjeçaren Swerlin në një qytet pranë plazheve ku zbarkuan trupat amerikane 80 vjet më parë, ditë kjo që njihet si dita D, shkruan yahoonews, përcjell Telegrafi.
“Unë e dua këtë vajzë, ajo është e veçantë”, tha Terens.
“Ai është një djalë i mrekullueshëm. Ai më do shumë dhe e thotë shpesh këtë”, vazhdoi Swerlin.
Çifti të dy janë rritur në New York, por Luftën e Dytë Botërore e kanë përjetuar ndryshe nga njëri-tjetri.
Terens filloi përgatitjen e tij ushtarake që nga viti 1942 kur edhe u dërgua në Britaninë e Madhe. Në vitin 1948 ai u martua me gruan e tij Thelma me të cilën pati dy vajza dhe një djalë. Tashmë ka tetë nipër e mbesa dhe dhjetë stërnipër.
Swelin është nënë e dy vajzave dhe një djali. Ajo ka shtatë nipër e mbesa dhe shtatë stërnipër.
Që të dy janë të ve, pasi bashkëshortët e tyre kanë ndërruar jetë që moti.
Bëhet e ditur se çifti do të shkojnë në Paris në fund të majit, ku Terens dhe një pjesë e vogël e veteranëve të mbijetuar të Luftës së Dytë Botërore do të nderohen.
Familjet më pas do të udhëtojnë në qytetin Carentan-les-Marais ku çifti planifikon të martohet.
Sipas qeverisë amerikane, nga 16 milionë veteranë të Luftës së Dytë Botërore, tani kanë mbetur vetëm 120 mijë. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Skenë gazmore nga Kroacia – kësi pushuesi vështirë se keni hasur në plazh
U hodh nga jahti dhe ra mbi balenën, burri nga Zelanda e Re dënohet me 600 dollarë
Po udhëtonte me veturë me shpejtësi prej 126 kilometra dhe rregullonte kubin e Rubikut – policia spanjolle publikon pamjet
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251