Mariçiq: Puna e KSHPK-së është jashtëzakonisht e rëndësishme në procesin e integrimit evropian

Zv. kryeministri për Çështje Evropiane, Bojan Mariçiq sot ka pritur në takim kryetaren e sapoemëruar të Komisionit Shtetëror për Parandalimin e Korrupsionit (KSHPK), Tatjana Dimitrovska.

Në takim, Mariçiq theksoi rëndësinë e punës së KSHPK-së në këtë moment të rëndësishëm për të ardhmen e vendit tonë.

“Bashkëbiseduesit u pajtuan se procesi i shqyrtimit i përfunduar me sukses paraqet një hap të madh në procesin e integrimit evropian, si dhe rëndësinë e përgatitjes gjegjësisht ndjekjes së udhërrëfyesve dhe mekanizmit të sundimit të ligjit ku komisioni kundër korrupsionit ka një rol të rëndësishëm”, thuhet në një njoftimin e SÇE-së.

Në takim, shtojnë nga atje, Mariçiq u pajtua me Dimitrovskën se zbatimi dhe respektimi i ligjeve si dhe veprimi i pavarur dhe objektiv i institucionit janë në përputhje me politikat e qeverisjes së mirë, legjislacionin evropian dhe parandalimin e korrupsionit dhe konfliktit të interesave. promovimi i integritetit të institucioneve si prioritet për promovimin e vlerave evropiane që ne mbrojmë.