Para dhe pas, imazhet satelitore shfaqin pasojat e luftës në Avdiivka

Imazhet satelitore të marra nga hapësira, shfaqin pasojat e luftës në Avdiivka, qytet ky që ka rënë nën kontrollin e forcave ruse, pas shumë muajve luftime.

Forcat e Vladimir Putinit filluan një ofensivë në tetor në rajonin e Donetskut dhe më 17 shkurt arritën të marrin nën kontroll Avdiivka, por që kishte një kosto të madhe për trupat ruse, transmeton Telegrafi.

Kievi vlerëson se 17 mijë ushtarë rusë janë vrarë në betejat për këtë qytet, që është një shifër më e lartë sesa ajo e ushtarëve rusë të vrarë në luftën 10-vjeçare në Afganistan.

Imazhet satelitore nga Maxar që janë postuar nga Donbass Realities, që është pjesë e rrjetit të Evropës së Lirë, shfaq pasojat e luftës që e filloi Moska më shumë se dy vite më parë.

Lexo po ashtu Ukraina ka zbuluar mjetin e saj më të ri luftarak të blinduar, Inguar-3

Në imazhet e shkrepura më 16 tetor 2021, katër muaj para pushtimit rus të Ukrainës, shihen pemët mes ndërtesave në këtë qytet, që para luftës kishte rreth 30 mijë banorë.

Megjithatë, pamjet në ditën kur ukrainasit njoftuan se po tërhiqen nga ky qytet i vogël për të parandaluar humbjet e mëtejshme, shfaq anën tjetër të këtij rrëfimi, tymi i zi duke u ngritur në ajër dhe zonat që dikur ishin të gjelbra tani janë djegur së bashku me të gjitha ndërtesat.

“Plotësisht i shkatërruar: Gazetarët e Evropës së Lirë kanë krahasuar fotografitë e Avdiivka para dhe pas pushtimit rus”, ka shkruar Jurgen Nauditt. /Telegrafi/

Completely destroyed: Radio Liberty journalists compared satellite photos of Avdiyivka before the full-scale war and after the occupation by the Russians — the final withdrawal of Ukrainian units from the city on February 17. pic.twitter.com/U4HE9WXw4o

— Jürgen Nauditt 🇩🇪🇺🇦 (@jurgen_nauditt) March 4, 2024