Një grup burrash në Pakistan kërcënonin gruan me prerje koke, menduan se në fustanin e saj kishte të shkruar tekst “blasfemik”

Ky është momenti rrëqethës kur një grup i personave të dhunshëm në Pakistan kërcënojnë një grua me prerje koke, pasi e akuzonin për veshje të fustanit me tekst “blasfemik”.

Qindra burra të nervozuar silleshin rreth restorantit në lindje të qytetit Lahore, pasi e kishin ngatërruar fjalën “Halwa” (e bukur) me ajete kuranore në fustan të shkruar në gjuhën arabe, transmeton Telegrafi.

Gruaja shihet duke u mbuluar e kapluar nga frika, derisa një burrë e kërcënon – duke i thënë që të zhvesh rrobat para se të ndërhynte policia që ta qetësojë situatën.

Një zyrtare policore ballafaqohet me burrin, duke i kërkuar që të ketë “besim në policinë” dhe të mos e merr ligjin në duart e tij – pavarësisht se turma brohorisnin “se ekziston vetëm një ndëshkim për ata që japin mesazhe blasfemike për Profetin – prerje koke”.

Zyrtarja policore e identifikuar si Syeda Shehrbano Naqvi, futet në restorant dhe arrin ta mbroj gruan, e cila u mbulua me të zeza dhe mbrohej nga burrat që e kishin rrethuar.

“Askush në fakt nuk e dinte se çfarë ishte shkruar në fustan”, tha policia për BBC.

“Qëllimi ynë ishte ta nxjerrim gruan nga ajo zonë dhe të sigurohemi që të ketë një ambient të qetë dhe të sigurtë”, u tha ndër tjera nga policia.

Policia dhe klerikët fetarë kanë konfirmuar gjithashtu se në fustanin e saj nuk ishin printuar ajete kuranore, dhe se ajo ishte plotësisht e pafajshme. /Telegrafi/