Chiesa dhe Juventusi po i ndajnë rrugët – italiani pritet të kalojë te gjiganti i Ligës Premier

Juventusi duhet të ulet me përfaqësuesit e Federico Chiesas për të përcaktuar të ardhmen e anësorit italian, ndërsa raportimet në Angli e lidhin 26-vjeçarin me një transferim të verës në Liverpool.

Sipas HITC, klubi anglez po e ndjek nga afër anësorin përpara afatit kalimtar të verës së ardhshme pasi italiani nuk ka arritur ende një marrëveshje për një qëndrim më afatgjatë me Zonjën e Vjetër.

Megjithatë, negociatat mes Chiesas dhe gjigantëve të Serie A nuk kanë filluar ende, siç shpjegoi eksperti i transferimeve të Football Italia, Matteo Moretto për Caught Offside.

Lexo po ashtu Federico Chiesa drejt largimit nga Juventusi në fund të sezonit

Kontrata e Chiesa në Allianz Stadium skadon në vitin 2025, kështu që drejtorët e Bianconerëve duhet të ulen me shoqëruesit e tij për të zgjidhur të ardhmen e lojtarit dhe të kuptojnë se në cilën rrugë dëshiron të ndjekë anësori italian.

Nuk është e garantuar që Chiesa do të pranojë të nënshkruajë një marrëveshje të re afatgjatë në Allianz Stadium. Nëse ai vendos kundër nënshkrimit të një zgjatjeje kontrate, Juventusi do të përgatitet për shitjen e tij në verë, në mënyrë që të mos e humbasë atë si lojtar i lirë në fund të sezonit 2024-2025.

Chiesa ka pasur probleme me lëndimet këtë sezon, duke humbur pesë ndeshje në Serie A për shkak të problemeve fizike. Ai ka shënuar gjashtë gola në 18 ndeshje të ligës dhe u fut si zëvendësues në pjesën e dytë në humbjen 1-0 të Juventusit ndaj Interit të dielën. /Telegrafi/