Bebe Rexha hedh poshtë thashethemet se ka qëndruar në prapaskenë të Grammy Awards – publikon faktet

Bebe Rexha u detyrua të reagonte për pretendimet se ishte ulur ‘në pjesën e pasme’ të Grammy Awards në 2024.

Ajo ua ka dëshmuar fansave me anë të një postimi që ka shpërndarë në platformën Twitter, e njohur si X tani.

Pas mbrëmjes së mbushur me yje në Crypto.com Arena në Los Angeles të dielën, u shfaqën thashetheme mes fansave se këngëtarja e “Say My Name”, 34 vjeçe, ishte pozicionuar në fund të shfaqjes – larg superyjeve.

Duke postuar në Twitter, një fanse me sy shqiponjë ndau një imazh të asaj që dukej të ishte kartolina e saj në një karrige të palosur pas yjeve, së bashku me një mbishkrim: “Fansat kanë vënë re se Bebe Rexha do të ulet në prapaskenë në mbrëmjen e sotme Grammy”.

Megjithatë, Bebe i hodhi poshtë këto aludime, duke ndarë një postim ku tregonte se ajo puthte kamerën dhe një foto tjetër të biletës së saj VIP.

Në një tjetër shfaqje të ‘provës’, ajo ndau gjithashtu një imazh nga një faqe fansash ku shfaqet duke pozuar me Dua Lipën.

Pavarësisht kësaj, Bebe dukej sensacionale gjatë natës, teksa mahniti me një fustan elegant, të shoqëruar me doreza rrjetë dhe një mori bizhuterish.

Taylor Swift dhe Miley Cyrus ishin artistet që fituan më së shumti nga Grammy i këtij viti. /Telegrafi/