Dyshohet se punonjësit morën pjesë në sulmet e Hamasit, shumë vende pezullojnë fondet për një agjenci të OKB-së për palestinezët

Mbretëria e Bashkuar, Australia, Italia dhe Kanadaja janë bërë vendet e fundit që kanë ndërprerë fondet për agjencinë e Kombeve të Bashkuara për palestinezët, UNRWA.

Kjo vjen pasi agjencia njoftoi shkarkimin e disa prej stafit të saj mbi akuzat për përfshirje në sulmet e Hamasit të 7 tetorit.

UNRWA thotë se ka urdhëruar një hetim mbi informacionin e dhënë nga Izraeli, raporton bbc.

Sekretari i Përgjithshëm i OKB-së, Antonio Guterres tha se ishte “i tmerruar nga ky lajm”.

Lexo po ashtu Shkon në mbi 26 mijë numri i palestinezëve të vrarë që nga 7 tetori

“Mbretëria e Bashkuar është e tmerruar nga pretendimet se stafi i UNRWA-s ishte i përfshirë në sulmin e 7 tetorit kundër Izraelit, një akt i terrorizmit që e ka dënuar vazhdimisht qeveria e Mbretërisë së Bashkuar”, shkruante në një deklaratë të Ministrisë së Jashtme të Mbretërisë së Bashkuar.

“Mbretëria e Bashkuar po ndalon përkohësisht çdo financim të ardhshëm të UNWRA ndërsa ne i shqyrtojmë këto pretendime në lidhje me pretendimet”, shtoi ai.

Më herët, Departamenti Amerikan i Shtetit njoftoi se ka pezulluar fondet shtesë për agjencinë, duke thënë se ishte “jashtëzakonisht i shqetësuar” nga pretendimet për përfshirjen e stafit të OKB-së në sulme.

Bashkimi Evropian gjithashtu tha se do të vlerësojë hapat e mëtejshëm “bazuar në rezultatin e hetimit të plotë dhe gjithëpërfshirës”. /Telegrafi/