“E godita pa ndalur deri sa u rrëzua në tokë”, Edona James rrëfen një rast dhune në BBVK – tregon si e kishte rrahur të dashurin

Në një rrëfim të rrallë dhe ndoshta të pakëndshëm, transgjinorja e njohur Edona James ka ndarë me banorët e BBVK një histori të dhunshme që ka përjetuar në të kaluarën.

Gjatë një bisede me çiftin e shtëpisë, Ilirana dhe Adri, Edona hapur ka zbuluar një përballje fizike me një ish-partner të saj.

Historia e saj tregon se si, në një moment zemërimi dhe provokimi, ajo ka përdorur një fshesë elektrike për të rrahur ish-të dashurin që dukej se e kishte nënçmuar.

Lexo po ashtu MC Beka për Edona James: Jam i dëshpëruar me popullin që e përkrah të keqen, çka lypi ajo në Beograd - pse nuk qëndroi atje

“Më thoshte: ‘Ti nuk di. Ti vetëm di t’i hapësh këmbët dhe më shumë nuk di’. Kam qenë duke fshirë shtëpinë, dhe i kam hyrë me fshesë, bam e bam e bam e bam, derisa është rrëzuar në tokë, edhe i kam thënë: ‘Po unë di edhe diçka tjetrër, edhe këtë e di, me ta thy ty kërrbinën’,” rrëfeu ajo, duke ilustruar një skenë të dhunshme që shkon përtej vetëmbrojtjes dhe paraqitet si një akt hakmarrjeje.

https://twitter.com/tikilush/status/1750299042171552057

Ky rrëfim vjen si një befasi brenda shtëpisë së “Big Brother VIP Kosova”, ku nuk pritet dhe as nuk lejohet diskutimi rreth akteve të dhunës.

Formatet televizive të spektaklit si “Big Brother VIP” kërkojnë nga pjesëmarrësit të respektojnë një kod sjellje dhe të mbajnë një linjë të caktuar të komunikimit dhe interaksionit.

Rrëfimet e dhunës mund të krijojnë një ambient të tensionuar dhe të papërshtatshëm për shikuesit dhe banorët. /Telegrafi/