Çfarë dimë deri më tani për rrëzimin e aeroplanit rus

Mëngjesin e sotëm një aeroplan ushtarak rus u rrëzua mbi rajonin Belgorod, i cili kufizohet me Ukrainën.

Por, çfarë dimë deri më tani rreth ngjarjes tragjike, ku raportohet se kanë vdekur dhjetëra ushtarë të burgosur ukrainas.

Sipas ministrisë ruse të mbrojtjes, aeroplani Ilyushin Il-76 u rrëzua në orën 11:15 me orën lokale.

Përplasja ndodhi në verilindje të Belgorodit në Rusinë perëndimore – vendi i shumë granatimeve ndërkufitare, raketimeve dhe sulmeve me dron, raporton skynews.

Lexo po ashtu Rrëzohet aeroplani ushtarak transportues rus në Belgorod, brenda tij gjendeshin 65 ushtarë ukrainas të burgosur

Moska ka akuzuar Ukrainën për rrëzimin e saj, duke thënë se radari rus zbuloi lëshimin e dy raketave nga Kharkivi.

Para kësaj, politikani rus dhe ish-gjenerali, Andrei Kartapolov tha se tre raketa, ose Patriots të prodhuara nga SHBA ose IRIS-T të prodhimit gjerman, u përdorën për ta rrëzuar atë.

Kievi ende nuk ka komentuar se pse u rrëzua aeroplani ndërsa pretendimet e rusëve ende nuk janë verifikuar.

Mykhailo Podolyak, këshilltar presidencial ukrainas, i tha agjencisë së lajmeve reuters se “komentet do të vijnë pak më vonë” dhe “duhet kohë për të sqaruar të gjitha të dhënat”.

Hetuesit rusë mendohet se tashmë po analizojnë aksidentin.

Ministria ruse e mbrojtjes thotë se 74 persona ishin në bord, duke përfshirë 65 të burgosur lufte ukrainas në rrugë për shkëmbimin e të burgosurve.

“Gjashtë anëtarë të ekuipazhit, 65 personel ushtarak ukrainas për shkëmbimin dhe tre personel ushtarak rus që i shoqëronte” ishin në bord, tha ministria.

Ekuipazhi dhe të gjithë pasagjerët e aeroplanit mbetën të vdekur.

Mediat ukrainase kanë sugjeruar se aeroplani mbante raketa S-300, megjithëse disa nga këto raportime që atëherë janë ndryshuar ose rrëzuar. Këto raportim nuk janë verifikuar.

Lexo po ashtu Rrëzimi i aeroplanit në Belgorod, ministria ruse e Mbrojtjes pretendon se radarët e tyre kishin detektuar raketa ukrainase

Moska pretendon se 65 të burgosurit ukrainas ishin rrugës për t’u shkëmbyer me rusët e mbajtur nga Kievi.

Një numër shkëmbimesh të burgosurish kanë ndodhur midis Kievit dhe Moskës gjatë gjithë konfliktit.

Ministria ruse e mbrojtjes tha se një shkëmbim do të bëhej në pikën e kontrollit Kolotilovka në kufirin midis Rusisë dhe Ukrainës.

Ai tha se aeroplani kishte fluturuar nga baza ajrore, Chkalovsky afër Moskës për në Belgorod, në të cilin rast do të ishte në fazën përfundimtare të fluturimit të tij.

Zëdhënësi i inteligjencës ushtarake të Ukrainës, Andriy Yusov tha për Radio Svoboda se një shkëmbim të burgosurish ishte planifikuar për sot, por shtoi se “ai nuk po ndodh për momentin”. /Telegrafi/