Reagimi i Haaland pas performancës fantastike të De Bruyne ndaj Newcastle, është bërë viral në internet

Erling Haaland ka reaguar në rrjetet sociale pas fitores së Manchester Cityt në udhëtim ndaj Newcastle me rezultat 3-2, me theks të veçantë tek performanca fantastike e Kevin De Bruyne.

City kaloi në avantazh përmes Bernardo Silvas, por pak më vonë vendasit e rikthyen rezultatin në të mirë të tyre, falë golave të Alexander Isak dhe Antony Gordon.

Pep Guardiola më pas vendosi që në pjesën e dytë të inkuadrojë në lojë Kevin De Bruynen, i cili luajti minutat e para në Ligën Premier që nga gushti i vitit të kaluar.

Impakti i belgut ishte i menjëherëshëm, pasi që me t’u futur në lojë ai shënoi për të barazuar shifrat në 2-2 dhe pastaj asistoi tek goli i fitores pak çaste para përfundimit të takimit.

Lexo po ashtu Manchester City fiton me rikthim spektakolar në udhëtim ndaj Newcastle

Haaland në anën tjetër është duke u rikuperuar dhe nuk arriti që të ishte pjesë e ekipit që udhëtoi në “St James’ Park”.

Në vend të kësaj ai vendosi që t’i argëtojë tifozët me përmbajtjen që e publikoi në rrjetin social Instagram.

Ai fillimisht postoi një foto pas përfundimit të ndeshjes, duke vendosur një kurorë mbi kokën e De Bruynes pas performancës së tij.

Më vonë ai postoi një foto duke festuar fitoren e madhe, ku aty shihej një gotë me pak qumësht të shoqëruar me alkool./Telegrafi/