Vitin e kaluar në Tetovë më shumë ankesa ka pasur ndaj gjyqësorit dhe përmbaruesve
Sistemi i drejtësisë, faturat e energjisë elektrike, bllokimi i llogarive nga ana e përmbaruesve, lëndët për prishjen e objekteve pa leje ndërtimi. Këta janë institucionet për të cilët qytetarët e Tetovës kanë dorëzuar parashtresa deri tek zyra e Avokatit të Popullit në Tetovë. Vetëm gjatë vitit 2023 ka pasur gjithsej 125 parashtresa deri tek kjo zyrë për shkak se qytetarët kanë vlerësuar se u shkelen të drejtat e tyre. Këtë e thotë Muhamed Hodai, këshilltar Shtetëror në Zyrën e Avokatit të Popullit në Tetovë. Më shumë parashtresa ka ndaj sistemit të gjyqësorit.
“Kështu që, 87 parashtresa janë të përfunduara, prej të cilëve 18 janë të përfunduara pozitivisht ku Avokati i Popullit ka konstatuar shkelje të të drejtave të qytetarëve të Tetovës nga ana e Organeve të Administratës Shtetërore si dhe të Organeve të Vetëadministrimit Lokal. Për ato 18 parashtresa, avokati i popullit ka dërguar rekomandim deri te organet tek të cilët është konstatuar se ka shkelje. Nga ana tjetër prej 20 parashtresave, procedura vazhdon më tutje, kurse 8 parashtresa janë procesuar në Zyrën e Avokatit të Popullit në Shkup. Nga lëmitë ku më së shumti janë dorëzuar parashtresa është sistemi i gjyqësorit. Krahasuar me vitin paraprak, sektori i gjyqësorit ka pasur 22 parashtresa më shumë”, thotë Hodai.
Puna e përmbaruesve është në vendin e parë për sa i përket parashtresave nga ana e qytetarëve, thotë Hodai.
“Kjo ka të bëjë në aspektin e vlerës së kamatës, të borxhit dhe veprimeve të përmbaruesit dhe shumica kanë të bëjnë me mundësinë e pagimit të borxheve. Në disa raste prej tyre, Avokati i Popullit ka mundësuar qytetarëve që pagesa e borxhit të bëhet në këste. Vitin e kaluar kaloi edhe ligji ku kamata nuk guxon të kalojë borxhin kryesor dhe kjo ishte një përparësi. Po ashtu ankesa ka pasur edhe tek Gjykata Administrative e shkallës së dytë në Gostivar ku ka pasur disa zhagitje. Me intervenimin tonë janë përshpejtuar procedurat në këtë gjykatë”, nënvizon Hodai. Ndërkohë, 19 parashtresa kanë qenë për shkeljen e të drejtave të konsumatorëve.
“Më shumë prej këtyre ankesave kanë të bëjnë me EVN-Maqedoni, njësia rajonale në Tetovë, ku më shumë ka pasur ankesa nga konsumatorët për korrigjimin e faturave të energjisë elektrike ku konsumatorët, ku ankesat kanë qenë me leximin e matësve në mënyrë paushallë dhe aty ka pasur disa intervenime. Ndërsa ka pasur kërkesë nga qytetarët që t’u mundësohet atyre që kanë borxhe të prapambetura të nënshkruajnë kontrata në disa këste. Por, konsumatorët duhet të kenë kujdes që të paguajnë edhe llogaritë rrjedhëse që mos ketë shkyçje të rrymës elektrike” njofton Hodai.
Ai është shprehur se pjesa dërmuese e institucioneve bashkëpunojnë me avokatin e popullit, por në disa raste institucionet japin përgjigje sa për sy e faqe dhe jo përmbajtjesore./Koha.mk/
Promo
Reklamo këtuLufta Prigozhin - Putin
Më shumëNga Rubrika
Dështimi për anëtarësim në KiE – deklarata e presidentes Osmani, arsyetimi i ministres Gërvalla dhe kritikat e kryetarit të PDK-së
Mitsotakis: Qeveria e Shkupit duhet të përdorë vetëm emrin Maqedonia e Veriut
“O vlla, unë i bëj vetëm për mik këto punë” – zbardhen përgjimet se si punonjësi i Gjykatës së Korçës falsifikonte dokumente për çuar edhe drogë në Angli
Shtyrja e afatit për regjistrimin e popullsisë, ASK jep detaje nga Plani i veprimit
Dështimi për anëtarësim në KiE, Haradinaj: Betejën e patëm humbur edhe në UNESCO dhe INTERPOL - jemi në rrethana të rënduara gjeopolitike, jo në vitin 1999 e 2008
Mospërfshirja e Kosovës në agjendën e Komitetit të Ministrave, eurodeputeti holandez: Shtetet anëtare të KiE-së iu përulen Serbisë
Rrëshqet dheu në rrugën Klinë - Gjakovë, bllokohet qarkullimi i automjeteve
“O vlla, unë i bëj vetëm për mik këto punë” - zbardhen përgjimet se si punonjësi i Gjykatës së Korçës falsifikonte dokumente për çuar edhe drogë në Angli
Ambasadori Hovenier takon KFOR-in amerikan, flasin për sigurinë në Kosovë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Meç i madh i boksit mes Tyson Fury dhe Oleksandr Usyk - detajet minutë pas minute
Demografia evropiane - cili shtet ka natalitetin më të lartë dhe ku qëndron Kosova?
Mospërfshirja e Kosovës në agjendën e Komitetit të Ministrave të KiE, reagime të ashpra ta deputetëve gjermanë – kritikojnë qeverinë e tyre
“Vuçiq paguan paraprakisht në rast të fitores së Trumpit”, mediat botërore shkruajnë se si dhëndrit të ish-presidentit amerikan iu shit ndërtesa e Shtabit të Ushtrisë Serbe
Gjithçka çfarë duhet të dini për meçi mes Tyson Fury dhe Oleksandr Usyk: Koha, titujt, rekordet dhe pesha e tyre
Projekti më i mirë, Piramida e Tiranës fiton çmimin e madh për Evropën Juglindore