Osmani publikon pamje nga takimi me Varadkar, i rrëfen për Deklaratën e pavarësisë së Kosovës

Presidentja Vjosa Osmani ka publikuar pamje nga takimi me kryeministrin e Irlandës, Leo Varadkar, i cili po qëndron për vizitë dyditore në Kosovë.

Osmani ka thënë se kryeministrin irlandez e ka falënderuar për miqësinë dhe mbështetjen e qëndrueshme të Irlandës për Kosovën.

Lexo po ashtu Kryeministri irlandez: E ardhmja e Kosovës është në BE, nuk është mirë të shohim skena të dhunshme

“Kjo vizitë riafirmoi gatishmërinë e të dy vendeve tona për të vazhduar ndërtimin e marrëdhënieve tona të shkëlqyera dhe për të eksploruar mënyra të reja për bashkëpunim më të forte”, ka shkruar presidentja në rrjetin social “X”.

Happy to welcome Taoiseach @LeoVaradkar and to thank him for Ireland’s enduring friendship and support for Kosovo.

This visit reaffirmed the readiness of both our countries to continue building on our excellent relations and to explore new avenues for stronger cooperation. ???? pic.twitter.com/5zYoDm0Hlm

— Vjosa Osmani (@VjosaOsmaniPRKS) January 11, 2024

Në pamjet e publikuara shihet se presidentja i ka rrëfyer kryeministrit Varadkar edhe për Deklaratën e pavarësisë së Kosovës.

Varadkar ka arritur në Kosovë të mërkurën ku në Aeroportin Ndërkombëtar të Prishtinës “Adem Jashari”, e ka pritur kryeministri Albin Kurti.

Ky i fundit është takuar me homologun e tij irlandez gjatë ditës së sotme, ku më pas kanë mbajtur edhe një konferencë për media.

Kjo është vizita e parë e Varadkar në Kosovë. /Telegrafi/