Pamje që duket se tregojnë se si ushtria izraelite qëlloi tre palestinezë, duke vrarë njërin prej tyre – pa asnjë provokim

Disa pamje nga kamerat e sigurisë nga një fshat i Bregut Perëndimor tregon një të ri duke qëndruar në një shesh qendror kur papritmas qëllohet dhe bie në tokë.

Sipas mediave të huaja, përcjell Telegrafi, dy të tjerë që nxitojnë në ndihmë të tij janë qëlluar gjithashtu, duke lënë të vdekur një 17-vjeçar, pak çaste para se xhipat ushtarakë izraelitë të futen brenda.

Lexo po ashtu Pamje që thuhet se tregojnë 'ushtarakun izraelit' duke qëlluar një grua palestineze që mbante një flamur të bardhë në dorë dhe një fëmijë në krah

Dhe një rishikim i Associated Press i videos dhe intervistave me dy të mbijetuarit e plagosur tregoi se ushtarët izraelitë hapën zjarr ndaj të treve kur ata nuk dukej se përbënin kërcënim.

Një nga palestinezët e plagosur u qëllua për herë të dytë pasi u ngrit dhe u përpoq të largohej.

Të shtënat fatale në fshatin Beit Rima javën e kaluar janë të fundit në një seri incidentesh në të cilat ushtarët u shfaqën të qëllonin pa provokim, një trend që palestinezët thonë se është përkeqësuar që nga shpërthimi i luftës Izrael-Hamas në Gaza tre muaj më parë.

Ushtria izraelite tha se trupat hynë në Beit Rima gjatë natës të së enjtes deri të premten, si pjesë e një “operacioni kundër terrorizmit”.

Lexo po ashtu Kërcënimi i ri i ministrit izraelit për Libanin: Çdo gjë që bëmë në Gaza, mund ta bëjmë "copy-paste" në Bejrut

Ajo tha se trupat qëlluan ndaj të dyshuarve që hodhën eksplozivë dhe bomba zjarri ndaj tyre.

Por, së paku videoja e siguruar nga AP nga një dyqan lokal, nuk tregon askënd duke hedhur eksploziv.

Dhuna në Bregun Perëndimor është rritur në nivele të papara në gati dy dekada që nga shpërthimi i luftimeve më 7 tetor. /Telegrafi/