Barcelona i hap derën e largimit yllit që nuk ka shumë kohë që u është bashkuar

Në strategjinë e rinovimit të Barcelonës për merkaton e verës, klubi katalanas po shqyrton mundësinë e shitjes së mbrojtësit Andreas Christensen, sipas informacioneve nga gazeta Sport.

Ardhja e dukshme e Chadi Riad verën e kaluar ka nxitur nevojën për të lënë vend në skuadër dhe danezi duket të jetë kandidati kryesor për t’u larguar nga ekipi.

Trajneri Xavi Hernandez i ka dhënë përparësi dyshes mbrojtëse Ronald Araujo dhe Jules Kounde në javët e fundit, duke e larguar Christensen në një rol dytësor.

Lexo po ashtu Pse Barcelona ka më shumë gjasa të shesë Christensen sesa Kounden

Rikthimi i Inigo Martinez komplikon më tej situatën për danezin, pasi ish-lojtari i Athletic Bilbaos kishte arritur të vendosej si titullar nën besimin e trajnerit.

Pavarësisht performancës së tij solide që nga ardhja e tij në Barcelon; verën e kaluar, Christensen është në listën e lojtarëve të transferueshëm. Paraqitja e tij e jashtëzakonshme nuk ka kaluar pa u vënë re në Ligën Premier , ku klube si Newcastle dhe Manchester United kanë shfaqur interes për të blerë shërbimet e tij, sipas gazetës Sport.

Me planifikimin e qartë se të paktën dy lojtarë të nivelit të lartë duhet të shiten për të përforcuar efektivisht ekipin, Barça do të nisë një proces ristrukturimi në merkaton e verës së ardhshme. /Telegrafi/