Transferimi më i keq i Manchester United nuk është Jadon Sancho

Mes kritikave dhe zhgënjimit rreth Manchester United në vitet e fundit, është e lehtë të theksohet Jadon Sancho si një nga nënshkrimet që nuk i ka përmbushur pritjet.

Megjithatë, Mason Mount e merr primatin si nënshkrimin më i keq të kohëve të fundit në Old Trafford. I riu anglez iu bashkua skuadrës së Djajve të Kuq verën e kaluar për një shifër afër 70 milionë euro, si një premtim i madh nga Chelsea.

Fatkeqësisht, përshtatja e tij me ekipin dhe performanca e tij kanë lënë shumë për të dëshiruar. Një nga problemet kryesore të Mount në Manchester United është se ai nuk përshtatet në sistemin e lojës së Erik Ten Hag.

Lexo po ashtu Eksod te Manchester United: 10 lojtarët që Ratcliffe pritet t'i largojë nga Old Trafford

Stili i tij i lojës në Chelsea, ku ai ishte një lojtar i rëndësishëm, nuk është përsëritur në Old Trafford. Kjo ka bërë që lojtari të ndihet i pavend në fushë dhe të mos jetë në gjendje të tregojë potencialin e tij të vërtetë.

Për më tepër, lëndimet kanë qenë një pengesë e madhe në karrierën e Mount në Manchester United. Ai ka pasur probleme fizike që e kanë penguar të ruajë vazhdimësinë në skuadër, gjë që ka ndikuar më tej në përshtatjen dhe paraqitjen e tij në fushë.

Lexo po ashtu Ndryshimi i madh i rregullave nga UEFA për Euro 2024 është një lajm i keq për Mason Mount

Koha e tij e lojës është shumë e dobët. Nëse shikojmë shifrat e tij deri më tani këtë sezon, Mason Mount ka luajtur pak më shumë se 700 minuta, një shifër shumë më e ulët se pritshmëritë që kishin për të.

Ai mbërriti në klub me etiketën e liderit, por është kthyer në një barrë prej 70 milionë eurosh për ekipin. /Telegrafi/