Ironizon Bajqinovci: Opozita pritet që menjëherë ta dërgojë në Kushtetuese sondazhin

Deputeti i LVV-së, Mefail Bajqinovci ka reaguar pasi sondazhet e fundit nga Ubo Counculting e nxjerrin LVV-në në kuotën e 48.5%.

Përmes një videoadresimi në platformën X, ai ka ironizuar duke thënë se opozita tash do ta dërgojë në Kushtetuese UBO-në, RTV Dukagjinin e votuesit.

“Opozita pritet që menjëherë ta dërgojë në Kushtetuese sondazhin, UBO-n, RTV Dukagjinin, respodentët dhe gjithë qytetarët që janë shprehur se do ta votojnë LVV-në”, ka deklaruar ai.

“Sinqerisht a mund të më tregoni se çfarë do të bëjë tash opozita, a mund të na tregoni?”, ka deklaruar Bajqinovci.

Ndryshe nga sondazhi në kuadër të OMNIBUS-it për matjen e opinionit publik nëse zgjedhjet do të mbaheshin këtë të diel, Lëvizja Vetëvendosje (LVV) do të printe e para në listë, duke kryesuar me 48.5 për qind.

Lexo po ashtu Sondazhi i UBO Consulting: Nëse zgjedhjet do të mbaheshin sot - LVV do t'i kishte 53 deputetë, PDK e LDK nga 20

Ndërsa partia tjetër që kryeson në vend të dytë është Partia Demokratike e Kosovës (PDK), me 18.2 për qind, duke lënë pas Lidhjen Demokratike të Kosovës (LDK), me 17.9 për qind.

Pas këtyre partive pason AAK e cila rezulton të ketë 6.8 për qind.

Lista Serbe ka marrë 3.2 për qind, ndërkaq Nisma Socialdemokrate 1.5 ka marrë për qind./Telegrafi/

Çka do të bëjë tash opozita? LVV-48.5%#qeveriakurti #kosova pic.twitter.com/NGnYwlVQSo

— Mefail Bajqinovci (@MBajqinovci) December 25, 2023