Kearns për letrën dërguar Borrellit dhe Lajçakut: Është koha që BE-ja të miratojë një qasje më të drejtë për marrëdhëniet Kosovë-Serbi

Një letër ku kërkohet heqja e masave ndëshkuese ndaj Kosovës, i është dërguar shefit të Politikës së Jashtme të Bashkimit Evropian, Josep Borrell dhe ndërmjetësit të dialogut, Miroslav Lajçak.

Kjo letër është nënshkruar nga kryetarët e Komisioneve të Jashtme Parlamentare të disa shteteve mike.

Në mesin e nënshkrueseve është edhe deputetja britanike Alicia Kearns.

Kearns ka reaguar në “X” duke thënë se në këtë letër kërkohet gjithashtu edhe hetim i plotë për sulmin e 24 shtatorit në Banjskë.

Lexo po ashtu Sulmi i armatosur në Banjskë, përfshirja e Milan Radoiçiqit dhe roli i Serbisë - çka përmban saktësisht letra që iu dërgua Borrellit dhe Lajçakut nga deputetët e disa shteteve?

“Kanë kaluar më shumë se 2 muaj që kur militantët e armatosur rëndë të udhëhequr nga ish-zëvendës presidenti i Listës Serbe, Milan Radoiçiq, vranë një zyrtar policor kosovar dhe sulmuan Banjskën. Sasia dhe lloji i armatimit sugjeron mbështetje nga shteti serb. Ne kemi nevojë për një hetim zyrtar me rezultate publike”, ka shkruar Kearns në “X”.

Deputetja britanike tutje shton se Milan Radoiçiq ka pranuar sulmin dhe se i njëjti duhet të ekstradohet në Kosovë për t’u përballur me gjykimin.

“Nuk ka asnjë justifikim që Serbia të mbrojë Radoiçiqin dhe bashkëpunëtorët e tij nga përballja me drejtësinë për krimet e tyre”, shprehet Kearns.

Deputetja ka falënderuar kryesuesit që u mblodhën gjatë 24 orëve të fundit për të nxitur BE-në që më në fund të miratojë një qasje më të drejtë për marrëdhëniet Kosovë-Serbi.

“Paqja kërkon drejtësi dhe llogaridhënie, të dyja aktualisht mungojnë”, tha ajo.

2/ It’s over 2 months since heavily armed militants led by former Srpska List vice-president Milan Radoicic murdered a Kosovan police officer and stormed Banjska.

Quantity & type of weaponry suggests support from Serbian state. We need a formal investigation with public results.

— Alicia Kearns MP (@aliciakearns) December 13, 2023

Ndryshe edhe kryetari i Komisionit për Punë të Jashtme nga Latvia, Richard Kols, ka kërkuar heqje të menjëhershme të masave ndaj Kosovës.

“Si Kryetarë të Komisioneve të Punëve të Jashtme të parlamenteve të Britanisë së Madhe, Gjermanisë, Lituanisë, Kroacisë, Belgjikës, Latvisë, Italisë, Irlandës, Danimarkës, Republikës Çeke, Bullgarisë, Estonisë, i bëjmë thirrje Josep Borrell dhe Miroslav Lajçak për të siguruar një ndërprerje të menjëhershme të të gjitha masave negative kundër Kosovës dhe për t’i bërë thirrje BE-së, SHBA-së dhe Britanisë së Madhe që të hetojnë plotësisht sulmin në Banjskë që ndodhi më 24 shtator”,ka shkruar Kols. /Telegrafi/

As Chairs of the Foreign Affairs Committees of parliaments of 🇬🇧🇩🇪🇱🇹🇭🇷🇧🇪🇱🇻🇮🇹🇮🇪🇩🇰🇨🇿🇧🇬🇪🇪, we call on @JosepBorrellF and @MiroslavLajcak to ensure an immediate cessation of all negative measures against Kosovo 🇽🇰, and call on the EU, U.S. and the U.K. to fully investigate the… pic.twitter.com/gmETNpzVrP

— Rihards Kols (@RihardsKols) December 13, 2023