Gazetarët vizituan skenën e aksidentit të Schumacher, të shokuar me veprimin e legjendës së Formula 1

Gazetari Jens Gideon regjistroi pesë episode të podcastit “Schumacher. Historia e një ikone” për jetën e legjendës së Formula 1 dhe me këtë rast ai vizitoi edhe vendin e aksidentit.

Një gazetar gjerman dhe një belg bënë me ski rrugën ku Shumacher u aksidentua në vitin 2012 dhe përfundimi është shumë i qartë.

“Ndihem i shqetësuar, ky është një vend shumë i veçantë”, deklaroi Gideon dhe kolegu i tij shtoi: “Në një ditë si kjo, me vetëm pak borë të freskët, nuk vozitni në një pistë si kjo. Pse e bëri atë?”.

Lexo po ashtu Parashikohet puna që do të bënte Michael Schumacher nëse nuk do ta pësonte aksidentin me ski para një dekade

Sipas kolegut të tij, gjithçka që mund të shkonte keq, shkoi keq. Schumacher e njihte  shumë mirë territorin, sepse ai dhe familja e tij kishin një shtëpi pranë shpateve, por pavarësisht nga gjithçka, ndodhi tragjedia.

Andre, instruktori i skive që mbërriti në vendin e aksidentit, pyeti se çfarë ndodhi dhe ata arritën në përfundimin se Schumacher ndoshta e lidhi skinë e tij në një gur dhe e goditi kokën në një gur tjetër.

Episodi i hapjes, “Ride into the Dark”, fokusohet në atë se si ishte të luftoje për jetën e Schumacher dhe si u sigurua që gazetarët të mos pushtonin spitalin në Grenoble ku ai u dërgua.

Lexo po ashtu Zbulohet pasuria neto e Michael Schumacher: Miliona euro, makina luksoze dhe prona të shumta

Gjithashtu diskutohet se si pas luftës për jetën e tij, filloi lufta për dinjitetin e tij dhe se si familja Schumacher iu përmbajt maksimës që Michael gjithmonë zbatonte: “Ajo që është private është private”.

“Sigurisht që do të doja të dija si është Schumacher. Por, nuk kam të drejtë ta di. Dhe kjo duhet të jetë e qartë paraprakisht: Ky podcast nuk ka të bëjë me këtë”, tha autori i serialit në episodin e parë.

Lexo po ashtu Shpërndahen fotot të Michael Schumacher që nuk janë parë kurrë - fansat nuk u besojnë syve

Kështu që edhe pas këtij spektakli, në të cilin janë investuar shumë para dhe kohë, nuk do të dihet se si është gjendja aktuale e pilotit më të mirë të F1 ndonjëherë.

Të gjitha episodet e “Schumacher. Historia e një ikone” janë të disponueshme falas në bibliotekën audio të ARD. Seriali dokumentar televiziv me pesë pjesë “Të jesh Michael Schumacher” do të jetë gjithashtu i disponueshëm në media bibliotekën e ARD-së nga 14 dhjetori. /Telegrafi/