Shumica e bizneseve në Kosovë kanë filluar të pajisjen me mjete për identifikimin e parave origjinale, kjo pasi në treg tash e një kohë janë duke qarkulluar numër i madh i parave false, kryesisht të monedhës 2 euro.
Policia dhe prokuroria janë aktivizuar pasi shumë qytetarë dhe biznese kanë rënë pre e mashtrimeve të parave false, të cilat ishin në treg.
Pak ditë më parë, policia dhe prokuroria realizuan një operacion, ku sekuestruar thasë me 2 euro metalike, në vlerë prej tetëdhjetë e pesëmijë e dhjetë (85.010.00) euro, të cilat dyshohen se janë të falsifikuara.
Për Telegrafin janë deklaruar disa pronarë të marketeve ushqimore, të cilët treguan se pas lajmeve që kanë kuptuar për monedhat false, kanë shtuar kujdesin ndaj parave dhe se po identifikojnë ato përmes magnetit.
Firidije Aliaj, pronare e një dyqani që kryesisht shet pemë dhe perime, tha se kanë blerë një pajisje me magnet e cila lehtësisht zbulon se cilat janë origjinale dhe false.
Siç tha ajo, paratë origjinale nuk ngjiten në magnet, ndërsa falset po.
“Deri dje kemi pranuar të gjitha monedhat 2 euro, por pasi e kemi parë në media që po ka shumë false, atëherë e blemë një magnet që po i identifikon 2 euro se a janë origjinal. Edhe qytetarët po ndihen më të sigurt, kur po e shohin se po i kontrollojmë paratë”, tha ajo.
Ndërkaq, qytetarja Lumnije Komoni, tha se tashmë ka filluar të kontrollojë parat edhe në shtëpi.
“Si qytetare i kam kontrolluar paratë në shtëpi pastaj kam dalur për blerje. Në qendra tregtare po i kontrollojnë, ka ndodhë që i kanë kontrolluar paratë që ua kam dhënë dhe kanë qenë në rregull”, pohoi ajo për Telegrafin.
Kurse, një qytetare tjetër, Rabije Dragusha tha se ka pasur raste kur nuk ia kanë marrë monedhat prej 2 euro.
“Nuk po na i marrin, e me na kthy po na kthejnë. Ka pas raste kur më kanë thënë se i ke false dhe nuk i kanë marrë”, deklaroi ajo për Telegrafin.
Ndërsa, disa biznese tjera në kryeqytet thanë se për shkak të gjendjes së krijuar me monedhat 2 euro, kanë vendosur që mos të marrin para hiq.
Menaxheri i një furre, i cili nuk pranoi të flet publikisht, tha se si biznes po dëmtohen nga paratë false, prandaj as nuk po japin dhe as nuk po marrin për momentin monedhat prej 2 euro.
Ndryshe, policia ka nisur hetimet lidhur me personat që kanë vënë në qarkullim monedhat false. /Telegrafi/
Lufta Prigozhin - Putin
Më shumëNga Rubrika
A po e sjell Shkëlqim Devolli gjigantin McDonald’s në rajon?
CEFTA dhe Instrumentet e Tregut të Përbashkët Rajonal për integrimin e përshpejtuar të Ballkanit Perëndimor në tregun e vetëm të BE-së
Shkenca e të Dhënave – Kombinim i Statistikës, Programimit dhe Biznesit
Kompania kosovare që mobiloi resorte botërore
A don me mësu qysh me editu video?
Matematikë e thjeshtë, Nissan X-Trail i ri “00” - Auto Mita
A po e sjell Shkëlqim Devolli gjigantin McDonald’s në rajon?
Vip Card e Petrol Company, kartela më e kërkuar e besnikërisë
Hapet panairi EXPOKOS 2024, bashkon liderët e industrisë dhe inovacionit në Prishtinë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vetëm dy vende do të mbijetonin pas apokalipsit bërthamor - çka do t'i shpëtonte këto shtete
"Pulë me të huaj dhe skifter me të vetët”, Alizoti: Rama duhet ta kishte përqafuar Kurtin
BE reagon për draft statutin e paralajmëruar nga Kosova për Asociacionin
Politikani serb: Kam bërë padi në GjND për krimet serbe ndaj shqiptarëve të Kosovës
Zbardhet aktiviteti i atentatorit të kryeministrit sllovak - ishte pjesë e një grupi pro-rus
Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë