Napoli gjen rrugën tek fitoret pas rikthimit të Mazzarrit në stol

Napoli ka fituar me rezultat 2-1 në udhëtim ndaj Atalantas, ndeshje kjo e vlefshme për javën e 13-të në elitën e futbollit italian.

Fillimi i ndeshjes ishte mjaft i ‘varfër’ sa i përket rasteve për gol me dy skuadrat që prisnin ndonjë gabim eventual të njëra-tjetrës për të sulmuar.

Mysafirët e gjetën golin një minutë pa përfunduar pjesa e parë përmes Khvicha Kvaratskhelia i cili shënoi me kokë për 1-0 pas asistimit të Giovanni Di Lorenzos.

Me epërsi minimale të Napoli përfundoi pjesa e parë e këtij ballafaqimi.

⏸️ Fine primo tempo#AtalantaNapoli 0-1 pic.twitter.com/yChFhYTnBp

— Official SSC Napoli (@sscnapoli) November 25, 2023

Atalanta reagoi në pjesën e dytë dhe barazoi shifrat në minutën e 51-të përmes Ademola Lookman i cili nga afërsia shënoi për rezultatin 1-1.

Vendasit shënuan edhe një herë tjetër në minutën e 68-të, por goli i Mario Pasalic u anulua për pozicion jashtë loje.

Golin e avantazhit Napoli e shënoi në minutën e 79-të përmes Eljif Elmas i cili për mrekulli shfrytëzoi pasimin e Osimhen për të shënuar për 2-1.

Deri në fund të ndeshjes mysafirët e menaxhuan mirë epërsinë e krijuar dhe morën fitoren e parë pas dy ndeshjesh pa fitore.

Me këto tri pikë Napoli ngjitet në pozitën e tretë me 24 pikë të grumbulluara, shtatë më pak se lideri Interi që nesër do të luajë derbin ndaj Juventusit./Telegrafi/