Faton Klinaku, përfaqësues i Organizatës së Veteranëve të Luftës të Ushtrisë Çlirimtare të Kosovës, (OVL-UÇK) ka bërë thirrje për mobilizim qytetar në një protestë që synon të shprehë pakënaqësinë ndaj vizitës së Ekaterina Trendafilova, kryetare e Dhomave të Specializuara të Kosovës.
Ai ka njoftuar përmes një postimi në Facebook se protesta do të mbahet më 29 nëntor 2023, ora 14:00, pranë hotel “Sirius” në Prishtinë.
Klinaku ka treguar se ai dhe disa kolegë të tij u është refuzuar vizita në Hagë me justifikimin se termat ishin të zëna, një arsyetim që ai e vë në dyshim.
Ai ka shtuar se kryetarja e Dhomave të Specializuara, Trendafilova, nuk është marrë me këto çështje që ai i cilëson si “shkelje flagrante”.
Së fundi Zyra e Prokurorit të Specializuar në Hagë ka kërkuar masa të ashpra kundër të akuzuarve të Dhomave të Specializuara – Hashim Thaçi, Kadri Veseli dhe Rexhep Selimi – duke përfshirë pezullimin e vizitave dhe ndalimin e komunikimeve të tjera brenda Qendrës së Paraburgimit.
Kjo vjen pas zbulimit të shkeljeve të urdhrave të gjykatës dhe përpjekjeve për të penguar procesin dhe ndërhyrjen në dëshmitë e dëshmitarëve.
Prokuroria Speciale po gjithashtu kërkon që kontaktet jo të privilegjuara të kufizohen në një grup të caktuar të afërmve dhe zyrtarëve konsullorë, me këto kontakte që duhet të marrin aprovimin e Gjykatës së Specializuar përpara se të ndodhin.
Ndërveprimet e tjera jo të privilegjuara duhet të monitorohen me kujdes nga një folës i gjuhës shqipe dhe të ruhen të dhënat deri në përfundimin e gjykimit.
Prokuroria po ashtu kërkon që të akuzuarit të ndahen nga të burgosurit e tjerë në pritje të një vendimi përfundimtar nga paneli gjyqësor.
Promo
Reklamo këtuLufta Prigozhin - Putin
Më shumëNga Rubrika
Dogana e Maqedonisë sekuestron 1.7 tonë medikamente të dëmshme për shëndetin e qytetarëve
Cameron: Shqipëria histori suksesi, partner i frytshëm dhe pozitivë me Britaninë e Madhe
Shpërndarja e Kuvendit, Musliu-Shoshi: Ende nuk i kemi votat e mjaftueshme, por kemi kohë të negociojmë me LDK-në dhe AAK-në
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251