Themeluesi i Binance, Zhao kërkoi falje dhe dha dorëheqje prej postit të CEO-s

Departamenti amerikan i Thesarit ka akuzuar këmbimoren e kriptovalutave Binance se ka dështuar të ndërmarrë hapa për të parandaluar transaksionet e Hamasit dhe disa organizata të tjera terroriste si Xhihadi Islamik, al-Qaeda dhe ISIS.

Ata akuzohen gjithashtu për dështimin në parandalimin dhe raportimin e transaksioneve të “hakerëve që kërkojnë shpërblime, pastruesve të parave dhe kriminelëve të tjerë”, si dhe këmbimin e fondeve midis qytetarëve amerikanë dhe vendet nën sanksione si Irani, Koreja e Veriut dhe Siria. si dhe njerëz nga Krimea.

Changpeng Zhao (Changpeng Zhao), i njohur më mirë si “CZ”, ka dhënë dorëheqje si CEO i Binance si pjesë e një marrëveshjeje të madhe prej 4 miliardë dollarësh midis agjencive të Shteteve të Bashkuara dhe këmbimores së kriptovalutave që ai e themeloi në vitin 2017.

Today, I stepped down as CEO of Binance. Admittedly, it was not easy to let go emotionally. But I know it is the right thing to do. I made mistakes, and I must take responsibility. This is best for our community, for Binance, and for myself.

Binance is no longer a baby. It is…

— CZ 🔶 BNB (@cz_binance) November 21, 2023

Njoftimi nga Zaa dhe agjencitë e shumta rregullatore shënoi fundin e hetimeve shumëvjeçare nga Departamenti i Drejtësisë dhe agjenci të tjera për shkeljet e rregulloreve kundër pastrimit të parave dhe sanksioneve.

“Kam bërë gabime dhe duhet të marr përgjegjësi”, shkroi Zhao në platformën X. “Kjo është më e mira për komunitetin tonë, për Binance dhe për mua”, pohoi ai.

Dorëheqja e Zhaos si CEO, e cila u raportua për herë të parë nga Forbes, nuk do të përfaqësojë një ndarje të plotë nga Binance.

Themeluesi i kompanisë do të mbetet aksioneri më i madh dhe një burim për “konsultime mbi fushat historike të biznesit”, njoftoi kompania.

Ndryshe, Richard Teng, zyrtar i Binance, do ta pasojë Zhao si CEO. /Telegrafi/