Ende nuk ka debutuar me Realin, mësohet se sa kohë do të mungojë Arda Guler

Arda Guler iu bashkua me shumë bujë Real Madridit në afatin kalimtar veror nga Fenerbahce.

Ishte një luftë e madhe mes Real Madridit dhe Barcelonës për t’i siguruar shërbimet e futbollistit turk, por në fund kryeqytetasit spanjoll ishin ata që fituan garën.

Megjithatë talenti i madh turk ka pësuar disa lëndime të njëpasnjëshme dhe ende nuk ka debutuar me madrilenët.

Lexo po ashtu Arda Guler assesi të debutoj me Real Madridin, Ancelotti konfirmon lëndimin e radhës të turkut

18-vjeçari së fundmi ka pësuar një tjetër lëndim që do ta mbajë jashtë fushave për një muaj dhe këtë e ka konfirmuar edhe trajneri Carlo Ancelotti.

Pasi ka harruar dhimbjen me meniskun e tij, dëshira e madhe për t’u rikthyer dhe për t’u prezantuar para tifozëve të Realit i ka kushtuar më shtrenjtë turkut, i cili ka humbur dhe takimet e Turqisë kundër Gjermanisë dhe Uellsit.

Lexo po ashtu “Arda Guler është i pakrahasueshëm, do të shënojë një epokë në Real Madrid”, zbuluesi i turkut tregon të gjitha

Guler pritet t’i mungojë madrilenëve në sfidat ndaj Cadiz, Granadas e Betisit në La Liga, derisa do t’i humbas edhe ndeshjet me Napolin dhe Union Berlinin në Ligën e Kampionëve.

Rikthimi i turkut pritet të bëhet më 17 dhjetor në Santiago Bernabeu ndaj Villarrealit. /Telegrafi/