Askush si Arijon Ibrahimovic këtë sezon në top pesë ligat evropiane, ndeshja ndaj Empolit për 17-vjeçarin ishte rekord ne vete

Arijon Ibrhaimovic ka filluar të lë gjurmë në futbollin italian pas transferimit nga Bayern Munich.

Sulmuesi i talentuar kosovar e ka zhvilluar ndeshjen e tij të parë si titullar në Serie A me fanellën e Frosinones.

Por ai nuk do ta harrojë kurrë ndeshjen e parë si titullar në Serie A, pasi ka shkëlqyer dhe është shpallur lojtari i ndeshjes.

Frosinone arriti të fitonte 2-1 ndaj Empolit, derisa Arijon Ibrahimovic asistoi fillimisht për Marvin Çunin e pastaj edhe shënoi gol.

Lexo po ashtu Shkëlqeu me gol e asistim, Ibrahimovic në formacionin e javës në Serie A

Me ndeshjen e mbrëmshme, Ibrahimovic ka thyer një rekord në top pesë ligat më të forta evropiane si Serie A, Liga Premier, Ligue 1, La Liga dhe Bundesliga.

17-vjeçari është bërë futbollisti më i ri në top pesë ligat më të forta evropiane, që shënon një gol dhe jep një asistim brenda të njëjtës ndeshje.

Sigurisht që ky është një sukses i madh për sulmuesin nga Prizreni i cili nuk do ta harrojë kurrë në jetën e tij ndeshjen ndaj Empolit.

Lexo po ashtu Bayerni duhet të paguaj një shumë të lartë për ta rikthyer në Gjermani talentin shqiptar

Falë paraqitjes së mrekullueshme ndaj Empolit, Ibrahimovic zuri vend edhe në formacionin e javës në Serie A nga SofaScore.

Kujtojmë që talenti kosovar është i huazuar te Frosinone nga Bayern Munich, por që klubi italian ka të drejtën e blerjes për 3,5 milionë euro. /Telegrafi/

1+1 – Arijon #Ibrahimovic (born 2005) is the youngest player in the major five European Leagues 2023-24 to have scored and provided assist in a single match. Pearl.#FrosinoneEmpoli

— OptaPaolo (@OptaPaolo) November 6, 2023