Kasami: Bajraktarizmi ka penguar bashkimin e opozitës shqiptare dikur
Bajraktarizmi dhe egot personale të liderëve të partive politike opozitare, më herët ka qenë shkaku kryesor për mosbashkimin e opozitës shqiptare. Kështu ka deklaruar kreu i Lëvizjes Besa, Bilall Kasami, i cili shtoi se tani më nuk bëhet fjalë se kush do të jetë i pari dhe se bashkëpunimi mes tre partive aktuale të opozitës, Lëvizja Besa, Lëvizja Demokratike dhe Alternativa është i sinqertë dhe shumë serioz.
“Kjo është një vlerë e re të që ne ia ofrojmë skenës politike shqiptare, që ndoshta është atipike për politik bërjen e shqiptarëve në Maqedoni, ku deri tash lufta në opozitë ka qenë luftë për të parin e opozitës. Pra, deri tash partitë shqiptare, aq sa janë deklaruar se mundohen për të ofruar zgjedhje dhe për të bërë ndryshimin për të ofruar rrotacionin politik, janë marrë më shumë me vetveten, se kush do të jetë lideri i opozitës. E dini, në vazhdimësi derisa ishte në skenën politike Menduh Thaçi, ai vazhdimisht e bënte betejën se kush do të jetë i pari i opozitës. Pastaj ndodhi njejtë edhe me pasuesin e tij, nga partia që doli prej PDSH-së dhe deri sot është biseduar se kush do të jetë i pari i opozitës. Dhe, ne e kemi identifikuar këtë si problematikë dhe si çështje, e cila duhet tejkaluar dhe ne e kemi tejkaluar.
Sot, po flasim për bashkimin e tre forcave opozitare në një opozitë të bashkuar dhe në asnjë moment ne nuk e kemi parë momentin se kush do të jetë i pari, i dyti apo i treti. Kjo është një vlerë që ua ofrojmë shqiptarëve”, deklaroi Bilall Kasami në “KlanDebat”.
E keqja e përbashkët është shumë më e madhe se egot dhe kapriçot personale. Kështu ka deklaruar Bilall Kasami, i pyetur për pajtimin me dy liderët e tjerë të partive opozitare, Afrim Gashin dhe Izet Mexhitin.
“Bashkimi jonë është bashkim konceptual, bashkim programor, bashkim i ofertës që e ofrojmë. Pra, nuk ka të bëjë këtu se si e sheh Bilall Kasami, Izet Mexhitin apo Afrim Gashin dhe si e shohin ata Bilallin”, tha Kasami.
Më tej, sipas Kasamit, të tre krerët e partive kanë konstatuar se ajo qasja drejt zgjedhjes së problemeve ka qenë e përbashkët, ndërsa hallet e qytetarëve, sipas tij, kanë qenë shtysa më e madhe për t’u bërë bashkë.
Promo
Reklamo këtuLufta Prigozhin - Putin
Më shumëNga Rubrika
Operacioni “Rrethi”, në Fushë Kosovë arrestohen dy të dyshuar për trafikim me narkotikë dhe posedim armësh
Tetova sivjet me 123 filloristë më pak, në klasë të parë pritet të regjistrohen 838 nxënës
Kurti për “The Times”: Në Ballkan kemi një Rusi të vogël, që është Serbia
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251