Tashmë e konfirmuar, pesë lojtarë të Milanit mungojnë në derbin ndaj Juventusit

Milani ka publikuar listën e skuadrës për ndeshjen e sotme në Serie A kundër Juventusit duke konfirmuar se Ruben Loftus-Cheek nuk është në dispozicion, ndërsa Pierre Kalulu dhe Rade Krunic janë rikthyer.

Kuqezinjtë presin Juventusin në San Siro sonte, e diel, 22 tetor në orën 20:45.

Stefano Pioli ka emëruar listen e lojtarëve të ftuar duke konfirmuar se do t’i duhet të përballojë pa të dëmtuarin Loftus-Cheek, i cili është stërvitur veçmas nga grupi këtë javë. Mesfushori anglez pësoi një lëndim muskulor para pushimit të tetorit.

Lexo po ashtu Analizë, parashikim dhe formacionet e mundshme të derbit Milan – Juventus

Marco Sportiello dhe Mattia Caldara janë gjithashtu të lënduar, ndërsa Mike Maignan dhe Theo Hernandez janë pezulluar. Andaj, portieri i tretë Antonio Mirante do të fillojë ndeshjen e tij të parë në Serie A në dy vjet. Lapo Francesco Maria Nava dhe Andrea Bartoccioni, të dy 19 vjeç, janë dy portierët e tjerë të ftuar nga Pioli.

Nga ana tjetër, Krunic dhe Kalulu janë rikthyer pas rikuperimit nga lëndimi, ndonëse nuk pritet të startojnë kundër “Zonjës së Vjetër” sonte.

Lista e lojtarëve të Milanit të ftuar për ndeshjen ndaj Juventus

Lexo po ashtu Përzgjedhësi i SHBA-së, Gregg Berhalter parashikon derbin Milan – Juventus, këmbëngul se lojtarët amerikan janë të lumtur

Portierë: Mirante, Nava, Bartoccioni.

Mbrojtës: Calabria, Thiaw, Tomori, Florenzi, Kalulu, Kjaer, Pellegrino, Jimenez.

Mesfushorë: Musah, Adli, Reijnders, Pobega, Krunic.

Sulmues: Pulisic, Giroud, Leao, Okafor, Jovic, Luka Romero./Telegrafi/