Poezi nga: Dan Almagor
Nga anglishtja: Fadil Bajraj
Shumica e këtyre njerëzve sinqerisht dëshirojnë
T’i vjelin ullinjtë e tyre
Siç kanë vepruar më se 400 vjet.
Shumica e këtyre njerëzve sinqerisht dëshirojnë
T’i edukojnë fëmijët e tyre
E jo të gjuajnë gurë
E as kokteje mollotovi,
Por të studiojnë në paqe
Të luajnë në paqe
Dhe ta ngrenë flamurin.
Flamurin.
Flamurin e tyre.
Dhe ta shpalojnë atë flamur, të qajnë
Siç qajtëm ne atë natë, atëbotë, të prekur siç ishim.
E ne nuk kemi, nuk kemi, nuk kemi
Të drejtë në botë
T’i ndalojmë nga kjo dëshirë,
Ky flamur,
Këta lot.
Këta lot që përherë, përherë
Vijnë pas të gjitha të tjerave.
Le të provojmë të përgatisim mbrojtjen tonë
Neve do të na duhej së shpejti kjo:
Të gjithë ata që vërtet e kanë bërë këtë
Të gjithë ata që ende e bëjnë.
Të gjithë ata që nuk e kanë ngritur zërin
Të gjithë ata që ende e bëjnë këtë.
Të gjithë ata që s’thanë asgjë
Të gjithë ata që kakarisën, duke thënë
“Diç vërtet duhet bërë,
(Por jo sonte. Se më duhet të shkoj në koncert,
Në një kremtim,
Në një ditëlindje!)”
Po, ne të gjithë një ditë do të marrim thirrje
Për proceset gjyqësore të kolonelëve.
Proceset gjyqësore të kolonelëve po afrohen.
Koha e atyre do të vijë, patjetër do të ndodhë kështu.
Proceset gjyqësore të gjeneralëve, të kolonelëve,
Të divizionit, të batalionit.
Dhe të një togu komandantësh.
S’ka shmangie nga kjo.
Kështu vepron historia.
Ç’do të themi atëherë?
Ç’do të thonë kolonelët, kapitenët, tetarët?
Ç’do të thonë
Për këto rrahje rrëqethëse, tmerruese,
Për këtë brutalitet,
Për shtëpitë e çuara në ajër.
Dhe më së shumti për këto poshtërsi.
Për këtë poshtërsi.
Për durimtarët e detyruar të fshijnë të shkruarat në mur,
Për pleqtë e detyruar ta heqin flamurin
Nga shtyllat elektrike,
Që ishin të elektrizuara, ose që rrëshqitën
E thyen këmbët e tyre.
Për bartësin e ujit të ftohtë
Të cilin ushtarët e urdhëruan të zbresë nga gomari i tij
Dhe i hipën në shpinë vetëm për t’u tallur me të.
Ne e bëmë veshin të shurdhër, ne e bëmë zemrën të shurdhër,
U bëmë të poshtër, arrogantë dhe budallenj.
Ç’mendojmë se kush jemi ne?
Kush na dha të drejtë
Të jemi aq të shurdhër, aq budallenj?
Duke injoruar arsyen: ata janë aq të njerëzishëm
Aq sa jemi ne.
Së paku siç ishim ne
Vetëm para 41 vjetësh.
Jo më pak të zellshëm, jo më pak të mençur,
Porsi ne të ndjeshëm, porsi ne plot shpresë.
Ata i duan gratë e tyre dhe fëmijët, hiç më pak
Seç i duam ne.
E fëmijët tanë tash shtiejnë në ta
Me plumba, plumba gome dhe gazra.
Shteti i Palestinës do të ndodhë.
Bile patjetër.
Poeti nuk e shkroi këtë.
Por historia do ta shkruajë
E stinët do të vijnë e shkojnë
E jeta do të vazhdojë siç e njohim shumë mirë ne
Martesat, lindjet dhe vdekjet të gjitha njësoj,
Por turp sa i përket kësaj pune. Turp.
/Telegrafi/
Promo
Reklamo këtuLufta Prigozhin - Putin
Më shumëTurqia përmbyt qytetin 12 mijë vjet të vjetër
Fuqia e tulipanit
Jeta dhe vepra e patriotit Iljaz Agushi: E tradhtoi Bujar Hoxha, e vrau Ymer Pula
Thënie për nënën: Nëna është personi i vetëm në botë që të do para se të të shohë!
Jeta në komunizmin shqiptar
HISTORIA E NJENËS NGA ATO
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Meç i madh i boksit mes Tyson Fury dhe Oleksandr Usyk - detajet minutë pas minute
Demografia evropiane - cili shtet ka natalitetin më të lartë dhe ku qëndron Kosova?
Mospërfshirja e Kosovës në agjendën e Komitetit të Ministrave të KiE, reagime të ashpra ta deputetëve gjermanë – kritikojnë qeverinë e tyre
“Vuçiq paguan paraprakisht në rast të fitores së Trumpit”, mediat botërore shkruajnë se si dhëndrit të ish-presidentit amerikan iu shit ndërtesa e Shtabit të Ushtrisë Serbe
Gjithçka çfarë duhet të dini për meçi mes Tyson Fury dhe Oleksandr Usyk: Koha, titujt, rekordet dhe pesha e tyre
Projekti më i mirë, Piramida e Tiranës fiton çmimin e madh për Evropën Juglindore