Komandanti ukrainas: Situata në fushëbetejë është përshkallëzuar, rusët duan hakmarrje

Komandanti i forcave tokësore të Ukrainës, Oleksander Sirski, tha se situata në pjesën verilindore të frontit “është përshkallëzuar ndjeshëm”.

Ai theksoi se forcat ruse shpresojnë të thyejnë mbrojtjen në drejtimin Kupyansk-Liman, transmeton Telegrafi.

Sirski beson se ushtria ruse në fakt dëshiron “hakmarrje” duke rimarrë territorin që dikur ishte nën pushtimin e saj.

Një video që tregon Sirski duke folur me ushtarët për situatën aktuale në vijën e frontit u shfaq në Telegram, shkruan Guardian.

Në fillim të gushtit, Rusia nisi një sulm në Kupyansk dhe zonën përreth, duke lëvizur vijën e frontit me rreth tre kilometra. Predha ranë mbi qytet, duke detyruar autoritetet lokale të nisin evakuimin e civilëve.

Ndryshe, javën e kaluar ukrainasit raportuan për një sulm të ashpër rus në Avdiyivka, një qytet në veri të Donetskut.

Megjithëse blogerët ushtarakë rusë folën fillimisht për një përparim të madh nga forcat ruse, duket se ato pretendime nuk ishin të vërteta.

Në rrjetet sociale u shfaqën video të shumta të pajisjeve ushtarake ruse të shkatërruara që dyshohet se janë krijuar në këtë zonë. /Telegrafi/