Vazhdojnë problemet për Barcelonën, ylli i ekipit largohet nga kampi i Spanjës i lënduar

Alejandro Balde është dërguar në shtëpi nga kampi i ekipit kombëtar të Spanjës pasi mori një lëndim në ndeshjen kundër Skocisë.

Mbrojtësi i majtë luajti pjesën e parë, por nuk u rishfaq në të dytën. Disa media pretendojnë se është një lëndim, por nuk ka ende ndonjë konfirmim konkret nga Barcelona ose Spanja për këtë.

Spanja fitoi në fund ndeshjen me rezultat 2-0, por ky është një lajm i tmerrshëm për Balde, i cili u nominua për çmimin Golden Boy.

🚨💣| BREAKING: Alejandro Balde has left the Spanish team and returned to Barcelona due to injury. #fcblive pic.twitter.com/80lOebQc5x

— BarçaTimes (@BarcaTimes) October 12, 2023

Ai shton problemet në dukje të pafundme të lëndimeve të Barcelonës. Sapo blaugranasit po rikuperojnë një lojtar të lënduar, ata po humbasin një tjetër titullar të rregullt.

Balde është zëvendësuar në skuadrën e Spanjës nga mbrojtësi i majtë i Real Betis, Alfonso Pedraza.

Lexo po ashtu Katër lojtarët e Barcelonës që kanë hyrë në muajt e fundit të kontratës

Kjo është një humbje e madhe për Xavin teksa ekipin e tij pas pushimit me kombëtare e pret një kalendar i vështirë ndeshjesh, me klasiken ndaj Real Madridit në horizont./Telegrafi/