Belgjika, shteti i parë në botë që asetet miliarda euroshe ruse po i shfrytëzon për Ukrainën

Belgjika, vendi ku mbahen shumica e aseteve të ngrira të bankës qendrore ruse, pret të mbledhë 2.3 miliardë euro (2.4 miliardë dollarë) taksa mbi asetet dhe t’i përdorë ato për të ndihmuar në rindërtimin e Ukrainës.

Bashkimi Evropian së bashku me vendet e Grupit të Shtatë (G7) kanë diskutuar nëse ata mund të përdorin interesin e bërë në mbi 300 miliardë euro para publike ruse për të financuar Ukrainën.

Lexo po ashtu Zelensky pyetet nëse është i shqetësuar se Ukraina mund të marrë më pak mbështetje ushtarake për shkak të luftës mes Hamasit dhe Izraelit

Mbi 200 miliardë nga kjo shumë mbahen në Evropë me rreth 125 miliardë të menaxhuara nga shtëpia belge e kleringut Euroclear. Kjo e fundit nuk pranoi të komentojë.

LIVE. 🇧🇪🇺🇦 Press briefing by Prime Minister Alexander De Croo and Ukrainian President Volodymyr Zelensky on Belgian support to Ukraine
https://t.co/1B7e6PP07c

— Alexander De Croo 🇧🇪🇪🇺 (@alexanderdecroo) October 11, 2023

Banka Qendrore e Rusisë nuk iu përgjigj menjëherë një kërkese për koment, raporton reuters.

Lexo po ashtu Ukraina publikoi një video të shkatërrimit të një sistemi të fuqishëm rus

Komisioni Evropian njoftoi në muajin korrik se do të paraqiste një propozim nëse kishte një mënyrë të shëndoshë ligjërisht për të përdorur fondet pasi G7 të binte dakord në parim.

Sekretarja e Thesarit e SHBA-së, Janet Yellen tha të mërkurën se administrata e presidentit amerikan, Joe Biden mbështeti taksimin e të ardhurave të papritura nga këto asete. /Telegrafi/