Ndërtimi i superkompjuterit të parë evropian është duke u zhvilluar, JUPITER ka kapacitet të kryejë një trilion llogaritje në sekondë

Partec-u gjerman dhe Atos-i francez, kanë njoftuar se kanë bashkuar forcat për të ndërtuar superkompjuteritn e parë në Evropë që do të kryejë një trilion llogaritje në sekondë.

Konsorciumi njoftoi dje se kishte lidhur një marrëveshje furnizimi me kompaninë evropiane të kompjuterëve me performancë të lartë EuroHPC, një projekt i përbashkët i BE-së, vendeve evropiane dhe kompanive private që synon promovimin e superkompjuterëve në Evropë.

Superkompjuterët janë shumë më të fuqishëm se ata ‘klasikë’ dhe Atos dhe Partec do të ndërtojnë një “kryevepër” që mund të kryejë një trilion (1,000,000,000,000,000,000) llogaritje në sekondë, transmeton Telegrafi.

Kontrata prej 500 milionë euro do t’i mundësojë konsorciumit të dorëzojë superkompjuterin JUPITER në Qendrën Superkompjuterike Juelich të Gjermanisë.

“JUPITER do të ketë trefishin e kapacitetit kompjuterik të superkompjuterit aktual më të fortë evropian”, njoftoi konsorciumi dhe do të zërë një sipërfaqe prej rreth katër fusha tenisi. /Telegrafi/