Rrëfenjë anonime
Përktheu: Bajram Karabolli
Një vajzë, në një sallë të madhe në aeroport, po priste orën e fluturimit. Duke e ditur se do të priste shumë, për të vrarë kohën, bleu një libër dhe një pako biskota.
U ul në një stol në sallën e pritjes për t´u çlodhur dhe për të lexuar në qetësi. Në krah të saj, ku ishte edhe pakoja me biskota, qe ulur një burrë i cili po lexonte një revistë. Kur ajo mori biskotën e parë, edhe ai zgjati dorën dhe mori një biskotë nga e njëjta pako. Asaj i erdhi inat, por u përmbajt e nuk i tha gjë. Veç mendoi: “Ky i pafytyrë e meriton një shpullë që të mos i shkojë kurrë në mendje të fus duart në gjërat e të tjerëve, por unë s´e bëj dot”. Dhe, kështu vazhdoi: sa herë që ajo zgjaste dorën për të marrë një biskotë, edhe burri i huaj zgjaste dorën e merrte një biskotë, duke e nervozuar vajzën gjithmonë e më tepër. Kur mbeti vetëm një biskotë, ajo mendoi: “Po tani, vallë ç´do të bëjë ky qylaxhi i pacipë”?! Dhe, burri i panjohur, pasi e ndau biskotën e fundit në dy pjesë, gjysmën ia dha vajzës. “Ah, ky është kulmi!”, mendoi vajza, gati e tërbuar nga zemërimi. Mbylli librin dhe pa i thënë asgjë, mori gjërat e saj dhe u largua. Kishte ardhur ora e nisjes.
Kur u ul te vendi i saj në avion, hapi çantën për të kërkuar diçka. Ngeli e habitur kur pa se pakoja e saj me biskota ndodhej e paprekur në çantë. I erdhi shumë turp, kur pa se sa e gabuar kishte qenë.
Pra, e vërteta ishte se kishte qenë pikërisht ajo që i kishte futur duart në gjërat e dikujt tjetër, ndërsa ai burri i panjohur, aq i qetë dhe aq bujar, pa kurrfarë indinjate dhe nervozizmi paskësh pranuar të ndante me të pakon e tij me biskota. Tani ajo nuk kishte mundësi për t´i kërkuar falje e për ta falënderuar.
A na ndodh kështu në jetë që të hamë biskotat e të tjerëve, pa qenë të vetëdijshëm për një gjë të tillë?
Nuk mund të arrijmë në një përfundim të saktë. Ndoshta gjërat nuk shkojnë apo nuk janë gjithmonë siç i mendojmë ne. Asnjëherë nuk duhet të mendojmë, e aq më keq të paragjykojmë, se dimë gjithçka për personat që na rrethojnë.
Në jetë janë katër gjëra që nuk mund t´i rregullojmë më pasi kanë ndodhur:
– Një gur, pasi e kemi hedhur drejt një objektivi.
– Një fjalë, pasi e kemi lëshuar drejt dikujt.
– Një mundësi, pasi e kemi humbur së realizuari.
– Kohën, pasi ajo ka ikur.
Promo
Reklamo këtuLufta Prigozhin - Putin
Më shumëTurqia përmbyt qytetin 12 mijë vjet të vjetër
Ballafaqimi i realitetit diktatorial: Regjisori Mohammad Rasoulof arratiset nga Irani
Çfarë na zbulon portreti i ri i Mbretit Charles III?
Poezia e vlerave
Shkencëtari i madh mysliman i shekullit XI - el-Biruni
Harta e shteteve të Evropës, gjatë 2400 vjetëve
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vetëm dy vende do të mbijetonin pas apokalipsit bërthamor - çka do t'i shpëtonte këto shtete
"Pulë me të huaj dhe skifter me të vetët”, Alizoti: Rama duhet ta kishte përqafuar Kurtin
BE reagon për draft statutin e paralajmëruar nga Kosova për Asociacionin
Politikani serb: Kam bërë padi në GjND për krimet serbe ndaj shqiptarëve të Kosovës
Zbardhet aktiviteti i atentatorit të kryeministrit sllovak - ishte pjesë e një grupi pro-rus
Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë