Neymar i përgjigjet pretendimeve se ai u përpoq të shkarkonte trajnerin e Al Hilal

Sulmuesi brazilian, Neymar Junior i ka cilësuar si ‘gënjeshtra’ pretendimet se ai u përpoq të shkarkonte trajnerin e Al Hilal, Jorge Jesus.

Gjatë afatit kalimtar të verës, Neymar përfundoi qëndrimin e tij gjashtëvjeçar me Paris Saint Germain pasi u transferua te skuadra e Superligës së Arabisë Saudite, Al Hilal, në një marrëveshje me vlerë 90 milionë euro.

Këtë javë, u raportua se Neymar donte që klubi të shkarkonte menaxherin Jesus pas një zënke në dhomën e zhveshjes.

Lexo po ashtu Neymar insiston në shkarkimin e Jesus, e do ish-trajnerin te Al Hilal

Sipas gazetës spanjolle Mundo Deportivo, Neymar kërkoi nga klubi që të shkarkojë Jesusin pasi ai u qortua ashpër për performancën e tij nën nivel dhe qëndrimin e keq.

Raporti gjithashtu pretendonte se drejtorët e klubit u takuan me agjentin e Jesus dhe e paralajmëruan atë për mundësinë e ndërprerjes së kontratës së trajnerit nëse performanca e Al Hilal nuk përmirësohet në të ardhmen e afërt.

View this post on Instagram

A post shared by FiqueiPutoMesmo (@fiqueiputomesmo_)

Sidoqoftë, superylli brazilian që atëherë i është kundërpërgjigjur këtyre pretendimeve me anë të një postimi në rrjetet sociale.

“Gënjeshtra… Duhet të ndaloni së besuari këto gjëra, faqe si kjo… me miliona ndjekës nuk mund të vazhdoni të postoni lajme të rreme! Me gjithë respektin e duhur në botë, ju kërkoj ta ndaloni këtë. Kjo është shumë mungesë respekti”, ka shkruar Neymar. /Telegrafi/