Kim Kardashian siç nuk është parë kurrë më herët, sjell fotosesionin unik me flokë të shkurtra për revistën “CR Fashion Book”

Kim Kardashian mezi njihej me kokë të rruar dhe syze për një kopertinë jashtëzakonisht të “CR Fashion Book” këtë javë.

Ylli 42 vjeç, kishte një pamje që të kujtonte ‘gruan’ e re të ish Kanye West, Bianca Censori, me një prerje dramatike, vetulla të holla si laps dhe nuanca të syve, teksa pozonte plot zjarr për kopertinën bardh e zi.

Bukuroshja shkëlqeu me dekoltenë e saj teksa pozoi pa sytjena me një bluzë të bardhë, të njollosur.

Ylli televiziv, e cila është e njohur për veshjet e saj ekstravagante dukej e mahnitshme me ndryshimin në pamje, teksa shkëlqeu në kopertinën e revistës.

Fotosesioni vazhdoi me Kim duke ndërruar veshjet, teksa në disa prej tyre mbante ndezur një cigare dhe kishte makijazh të shlyer sipër fytyrës.

Kjo vjen pasi u zbulua se West po shkel ligjin italian duke mbajtur një maskë për fytyrën në publik gjatë pushimeve të tij me partnerin Censori.

Sipas legjislacionit kundër terrorit dhe rendit publik, veshja e çdo gjëje që ‘pengon identifikimin e një individi’ është e paligjshme dhe dënohet me një gjobë maksimale deri në 2,000 euro.

Gjatë qëndrimit gjashtë javor të çiftit në Itali, reperi kontrovers është parë i veshur me maskë në Venecia, Firence dhe së fundmi në Milano ku morën pjesë në Javën e Modës.

Zyrtarët në Venecia po hetojnë Kanye dhe Bianca pasi u kapën në një ‘pozicion kompromentues’ në një taksi uji muajin e kaluar.

Policia e Venecias ka identifikuar tashmë drejtuesin e varkës dhe gjithashtu ka kërkuar që fotografët të dorëzojnë pamjet që janë parë në të gjithë botën.

Lexo po ashtu Të gjitha lajmet nga Kim Kardashian

Tani ka dalë se Kanye mund të përballet me hetime të mëtejshme për shkeljen e nenit 533 të ligjit italian të futur në 1977 për të luftuar terrorizmin e brendshëm.

Në vitin 2005, pas një morie mizorish të frymëzuara nga Islami, ligji u përditësua më tej duke ndaluar mbajtjen e helmetave, si dhe mbulimin e plotë të fytyrës.

Përjashtimet e vetme janë për arsye fetare dhe një autoritet me shkrim duhet të merret nga individi nga autoritetet lokale. /Telegrafi/