Serbia kishte pretenduar se disa shtete ‘ç’njohën’ Kosovën, Osmani takon liderët e tyre – konfirmohet njohja e shtetit e marrëdhëniet diplomatike

Presidentja e vendit, Vjosa Osmani ka takuar liderë të shumtë në dy edicionet e fundit të javës së nivelit të lartë të Asamblesë së Përgjithshme të Organizatës së Kombeve të Bashkuara.

Burime të Telegrafit bëjnë me dije se presidentja Osmani në disa takime me liderët e vendeve, të cilat Serbia kishte pretenduar se kanë ‘çnjohur’ Kosovën ka marr riafirmimin e njohjeve, si nga Grenada, Palau e Guine Bissau.

Takimi i fundit i presidentes Osmani dhe kryeministrit të Grenadës, Dickon Mitchel shënoi pikën e kthimit në marrëdhëniet diplomatike ndërmjet Kosovës dhe Grenadës.

Delighted to meet Grenada Prime Minister Dickon Mitchell, to reaffirm our bilateral relations and to explore opportunities to deepen cooperation between our countries.

We remain committed to working closely with partners across the globe & to strengthen our int’l standing. 🇽🇰🇬🇩 pic.twitter.com/HKjDEBrFHd

— Vjosa Osmani (@VjosaOsmaniPRKS) September 22, 2023

Ndërkaq, në shtator të vitit të kaluar presidentja Osmani fillimisht takoi ministrin e Punëve të Jashtme të Palaut dhe pastaj ishte nikoqire e zëvendëspresidentes së Palauat në tetor 2022, duke shënuar po ashtu rikthimin e marrëdhënieve diplomatike ndërmjet Kosovës dhe Palauat.

Important discussion with Palau’s FM Gustav Aitaro, where we reconfirmed our strong bilateral relations & multilateral cooperation.

Reiterated Kosovo’s unwavering commitment to deepening ties between our countries based on our shared democratic values and interests. 🇽🇰🇵🇼 pic.twitter.com/KXPRasNG1p

— Vjosa Osmani (@VjosaOsmaniPRKS) September 22, 2022

Presidentja Osmani ka pasur takime dhe komunikim të rregullt me presidentin e Guinea Bissaut, shtet të cilin Serbia e ka targetuar për çnjohje, por ky shtet i ka rikonfirmuar marrëdhëniet me Kosovën, sipas deklaratave të Presidencës për këto takime. /Telegrafi/